شورمة اللحمه زي ما بتشتروها من المحلات
المقـــــــــــــــــــــــــــــــــــادير
500 جرام لحم مفطع قطع صغيره جدا يفضل اللحم البتلو
50 جرام لية خروف مقطع قطع صغيره جدا
6ثمرات طماطم مقطعه مربعات (الزياده او النقص حسب الرغبه )
6 بصلات مقطعه صغير
3 قرن فلفل حامي مقطع قطع صغيره
4 فصوص ثوم مفروم
ملح
فلفل اسود
بهارات لحمه
3 معلق شاي خل
3 معلق كبار زيت نباتي
بقدونس مقطع

طريقــــــــــــــــــــــــــــــــــــــــــــة العمل
نحضر صنيه ويفضل التيفال
ونضع اللحم والليه والزيت علي النار ويمكن ان نضع القليل من الماء ونزيده حبه حبه (شقشاق ماء ) حتي نتاكد ان اللحم استوي
نضيف الطماطم لحد ماتزبل

علي الجانب الاخرنكون وضعنا من قبل في طبق خارجي البصل والثوم والفلفل الحامي والبهارات والملح والفلفل الاسود والخل لمدة ربع ساعه تقريبا وعندما تزبل الطماطم نضع عليها هذه المكونات حتي يصفر البصل و يزبل يصبح لونه زهبيا نضيف البقدونس ويقلب مع الخليط لمدة15 ثانيه تقريبا

طريقــــــــــــــــــــــــــــــــــــــــة التقديم


نحضر العيش الفينو او الكيزر وسلطة طحينه نفتح الخبز ونضع السلطه والشاورما
و بالهنا والشفا يا رب تعجبكم وطريقتي

ميرسى يا قمر بس ايه الليه دى؟؟؟ بتتباع فين
عند الجزار؟؟؟

تسلم ايدك يا ايمان علي الواصفه الجامده دي بجد كان نفسي اعرفها

تسلموا يا حبايبى على الردود واللية دى يا لوليتا اللى بتبقا فى الخروف من ورة دى عبارة عن دهنة انتى بس قولى للجزار عايزة لية وهو حيفهم

تمام كدة
وصفتين كمان وافتح مطعم

ههههههههههههه انا فى الخدمه يا مينو ياقمر

ربنا يباركلك يا ايمى

شكرا يا ردك الجميل