تذكير بمساهمة فاتح الموضوع :

الاخ salama 88
مشكور على الرد وعندك حق ومتعشمين فيك تفاعل أكتر .
أخوك العضو المنتمي

الأخ ferrari.ada
جزانا الله وإياكم كل خير يا أخي .. ولكن أحب أن أوضح .. أنه ليس الشكر في حد ذاته هو ما نسعى إليه .. ولكنه قد يؤدي الغرض .. لكن ما نسعى إليه حقيقة هو التفاعل .. التقدير .. يعني إنت لو رديت على موضوع وقولت بكل صراحة إنه ماعجبكش تبقى كده متفاعل .. ولو قولت إنه عجبك من غير ما تشكر صاحبه .. برضه تبقى متفاعل .. يعني الفكرة مش فكرة شكر .. الفكرة إنك تقول أنا أهو .. دخلت الموضوع وشاركت فيه .. تقول رأيك .. تعبر عنه .. تضيف للموضوع .. ده المقصود يا جماعة مش الشكر وخلاص إحنا مش بنشحت الشكر من بعض .. وبعدين من لا يَشكُر لايُشكَر ..
وشكراً .
العضو المنتمي .

الاخ salama 88
مشكور مرة تانية وباقول معاك .. يا رب .

الأخ moh
أولاُ مشكور على الرد ولكن لي تعليق :
غالباً ما يكون الرد الإجباري في المواضيع الخاصة بتحميل الأفلام والأغاني والكليبات وما شابه .. لكن ما نتحدث عنه هنا هو المواضيع التي تعتمد أساساً على المشاركة .. ويبدو أنك لم تجرب الدخول على مثل هذه المواضيع .. أدخل على فهرس الموقع وستجد الكثير مما أتحدث عنه .. وهذا الموضوع هو أكبر مثال على نوعية المواضيع المقصودة .
ولكن أيضاً حتى المواضيع التي تتحدث عنها .. فيكفي أن تقول شكراً .. أربع حروف لن تكلفك كثيراً .. وبعد تحميلك للمادة المرفقة وتقييمك لها .. إبقى أدخل وقول رأيك حتى لو كان رأيك ده إن الموضوع والمادة المرفقة دون المستوى .. لكن بالطبع بدون تجريح في العضو صاحب الموضوع .. لأنه لولا إختلاف الأذواق لبارت السلع .. فما قد يبدو لك سيئاً قد يبدو للبعض الآخر تحفة وإبداع .. أعتقد أنني بهذا وضحت المفهوم .. ومشكور على رأيك .

الأخ الفاضل أبو بيبو
مشكور على ردك .. لكن إذا كانت مواد الواضيع روعة حلى حد تعبيرك .. فأقل واجب نقدر اللي تعب في جلب هذه المواد الروعه .. وإن كونت أدعو للمشاركة أكثر في المواضيع الأخرى وليس بالضرورة وجود مادة للتحميل .
ولكن هذا لا يمنع روعة الموضوع وإليك هذا المثال :
إضغط على عنوان الموضوع

إعصي الله لكن بشروط

الأخ amr1111
مشكور على ردك .
وهي دي المشكلة اللي بنتكلم فيها .. إن كل واحد بيدخل ياخد اللي هو عايزه ويمشي .. وده مبدأ غلط .. عشان تاخد لازم تدي .. وعشان الناس اللي بتعمل مجهود تجيبلك الحاجة اللي انت بتدخل عشان تاخدها تفضل حريصة على إنها تجيبلك تاني وتالت لازم تشجعها .. لازم يحسوا إنك بتقدرهم عشان يبذلوا مجهود عشانك .. إنت نفسك لو بتعمل حاجات كويسة مع حد ولقيته مش بيقدر ده وبيستخف بيه مش هاتعمل معاه كده تاني .. وهاتبطل اللي كونت بتعمله نتيجة عدم التقدير .. وانت بتقول جواك ( ده مايستاهلش ) وإحنا مش عايزين نكون كده .. مش عاوزين نكون ما نستاهلش .. والناس اللي بتعمل مواضيع ما تزهقش من قلة التقدير .. لازم نشجع بعض عشان نقدر نكمل .. ونعمل ده بحب مش من غير نفس .. يا رب يكون وصلك قصدي .
ومشكور على إقتراح تغيير شكل الموقع .

انا شاء الة هزا المنتدى جامد جداد والنا س الى هنا ناس عسل عسل مش كدة ولا اية

يا ربنا بارك عل القائمين على هزا المندى على فكرة فليم الزعيم اين هوعادل امام
الجديد

الأخ abdoahmed
مشكور على تفاعلك المبكر الجميل .. وإحنا تحت أمرك في أي إستفسار أو سؤال .. ولو عندك أي إستفسار عن موضوع معين ممكن تراسل أحد المشرفين أو تفتح موضوع باستفسارك في القسم المخصص ليه .. وهاتلاقينا كلنا بنرد عليك إن شاء الله .
أما بالنسبة للتوجيهات فأنا هابدأ معاك بإتنين .. عشان ماتقولش من أولها إن مافيش تفاعل ..
أولاً يا عبدو الردود على المواضيع مش هي المكان المناسب لوضع موضوع جديد .. خاصة لموضوع جيد زي اللي إنت مقدمه .. لأن كده هايحصل لخبطة .. الناس هاترد على الموضوع الأصلي ولا على الموضوع اللي في الرد .. وكمان ناس كتير بتشوف الموضوع وترد عليه على طول من غير ما تشوف باقي الردود خاصة لو كان موضوع طويل زي ده وانت شايف أهو إحنا في الصفحة السادسة تقريباً .. فكده الموضوع بتاعك هايبقى مهمل ومش مقروء لكتير من الأعضاء .. لكن لو وضعته في المكان المناسب أكبر قدر ممكن من الأعضاء هايشوفوه ويستفيدوا بيه .
ادخل على فهرس الموقع .. وإختار القسم المناسب لفكرة موضوعك .. وإغط على كلمة موضوع جديد فوق على اليمين .. وإكتب موضوعك بنفس الطريقة اللي كتبت بيها الرد بتاعك في الموضوع ده .. وبكده كل الناس هاتقدر تشوفه وتشارك معاك وتبقى كده ساهمت في الموقع بموضوع جديد مع مراعاة جودة المواضيع مش أي حاجة وخلاص .. وأنا شايف إن بدايتك موفقة .
ثاياً : لازم تراعي إختيار الألوان اللي بتكتب بيها .. وتراعي في كده إن لون خلفية الموقع غامقة .. يعني كل ما كان لون الكتابة فاتح كل ما كان أوضح والعكس صحيح .. واللون الأسود غير مناسب إطلاقاً للكتابة على هذه الخلفية مما يجعل قراءة الموضوع أمر صعب ومتعب وده ممكن يخلي الناس تكسل تقراه .. عشان كده لازم تراعي وضوح لون الخط اللي بتكتب بيه .. خصوصاً عند النقل من موقع آخر أو من صفحة ورد أو ملف تكست .. يعني بعد النقل لازم تغير الألوان إذا تطلب الأمر لتجعل موضوعك أسهل في القراءة .. ودي غلطة بيقع فيها الكثير من الأعضاء حتى المشرف قلب ميت في الكثير من المواضيع خصوصاُ عند النقل .
وأخيراً ... دي نصيحة ممكن تعمل بيها وممكن لأ على حسب شخصيتك .. يفضل عند النقل إنك تذكر إن الموضوع منقول .. وده للأمانة .. وبالطبع دون ذكر المصدر إذا كان المصدر من منتدى آخر .. لكن ممكن تذكر المصدر إذا كان المصدر كتاب أو موقع حكومي أو موقع علمي بحت وليس منتدى لأن غير ذلك يخالف قوانين الموقع وقد يعرض عضويتك للحذف .. وإذا إختلط عليك الأمر فإكتفي بتذييل الموضوع بكلمة منقول .

وشكراً لك أخي الكريم وإلى الأمام وننتظر أن تمتعنا بمواضيعك المقبلة .

أخوك العضو الفرحان بيك .

انا من اشكركم على الاهتمام والرد بارك الله فيكم والى الامام دائما

أخي الفارس الجريح .. انا لم أرد عليك بعد .. فقط رددت بالشكر.. ولكن لك ردٌ خاص عندي سيأتي في دوره بترتيب أسبقية الرد .

طبعا التواصل بين الاعضاء مهم وان شاء الله ربنا يألف بين قلوبنا ويجمعنا على الخير

سأكون معك إنشاء الله

الأخ wessam101
مشكور على ردك ..
ولكن موضوع البطء ده غير صحيح .. أنا بكون أحياناً فاتح حوالي 10 صفحات من الموقع في وقت واحد وبدون مبالغة والسرعة جيدة جداً على الرغم من إن سرعتي عادية جداً .. يعني مش 24 ميجا مثلاً ولا حاجة .. وكمان معايا ناس كتير في الشبكة .
جايز يكون كلامك مظبوط لكن ده في صفحة البوابة فقط .. وده لأنها مليئة بالصور .. وطبعاً معروف إن أي صفحة فيها صور كتير بتحمل ببطء ملحوظ عن باقي الصفحات .. ودي شائعة في أي موقع متخصص في الأفلام بسبب صور أفيشات وبوسترات الأفلام ... لكن أي صفحة داخلية في الموقع بتحمل بمنتهى السهولة بإستثناء صفحة تحميل الفيلم .. لأنها أيضاً تحتوي على صور بحجم كبير ( بوسترات الفيلم + سكرين شوت للفيلم ) وده موجود عشان كل واحد يقدر يشوف مدى جودة الفيلم قبل التحميل .. وده لمصلحة العضو .. عشان ماتضيعش وقت في التحميل وبعدين تتفاجئ بإن جودة الفيلم مش عاجباك .. يعني الصورة اللي بتخلي التحميل بطيء دي محطوطة عشانك ولمصلحتك مش ملء فراغ أو سد خانة ... وجرب إدخل على أي منتدى في الموقع غير الأفلام والأغاني ستجد أن سرعة التصفح لا بأس بها على الإطلاق .. بل جيدة ..
ولأني دائماً أحب أن أقول كلاماً مؤكداً .. ومش أي كلام وخلاص .. إدخل على موقع اليكسا .. وده أكبر وأشهر موقع عالمي متخصص في تقييم المواقع .. هاتلاقي فيه الكلام اللي بقوله ده .. وهاتلاقي إن نسبة الوصول للموقع وصلت إلى 100 % ودي طبعاً نسبة فوق الممتازة .. على الرغم من إن ده مالوش علاقة بسرعة التحميل .. وهاتلاقي كمان إن ده نفس الحال في معظم المواقع المشابهة ... وكمان في مواقع عالمية كبيرة ومشهورة تحميل الصفحات الإفتتاحية فيها أبطأ بكتييير أوي من الموقع ده ... وده لأن صفحاتها الإفتتاحية بتحتوي على فلاشات أيضاً وأحياناً فيديوهات بجانب الكم الهائل من الصور .. وخاصة مواقع الألعاب ...
ولتقصي الأمانة الشديدة .. فإن موقع اليكسا يذكر بطء تحميل الصفحة الإفتتاحية للموقع ( البوابة ) وأن 85% من المواقع على مستوى العالم أسرع في تحميل صفحاتهم الإفتتاحية .. والعجيب أنك تجد أشهر المواقع العالمية بإستثناء جوجل وياهوو من ضمن ال15 % الباقية .. والتي تشترك مع هذا الموقع في بطء تحميل الصفحة الإفتتاحية .

وشكراً لك أخي الفاضل .

أخي الفاضل أسامة الخمري
مشكور جداً على ردك الجميل وعلى حماسك الواضح ورقي فكرك الملموس .. عسى أن ينعكس هذا الحماس على مشاركاتك المقبلة في الموقع .

الأخ احمد بديع
مشكور .
!!!!!!!!!!!!!!!
و
تقبل تحياتي

الأخ msm51130

فعلاً عندك حق .. ومشكور على ردك .. آملين أن تظهر هذه الرغبة فعلاً وليس قولاً .
والف شكر ليك .

a_elgazzar كتب:

بسم الله الرحمن الرحيم قال رسول الله صلى الله عليه وسلم : كلمتان خفيفتان على اللسان ...حبيبتان الى الرحمن .... ثقيلتان فى الميزان ......سبحان الله وبحمده سبحان الله العظيم صدق رسول الله صلى الله عليه وسلم رب اغفر لى ولوالدى وللمؤمنين والمؤمنيات الاحياء منهم والاموات وصدق رسول الله صلى الله عليه وسلم حين قال وهل يكب الناس على وجوههم الا حساد السنتهمفى حاجه انا لحظتها وياريت تنقبلوها بصدر رحبالناس اللى بتكتب كلمه واللهى وانشاء اللهوغير ها كتير الناس دى اتعلمت فين بسربنا يغفر لينا وليكم

أخي a_elgazzar
شكراً ليك إنك فكرت تكتب حاجة .. على الرغم من عدم وجود علاقة بين ردك والموضوع اللي رديت عليه .. وأكاد أتسائل ... إنت قريت الموضوع ؟؟؟!!!!
ولو كونت قريته .. ماقولتش رأيك فيه ليه ؟
يا أخي الفاضل لا يصح إطلاقاً أن تهجو الآخرين .. ولا تقلل من شأنهم .. ولو عندك معلومة طيبة قولها من غير ما تجرح في حد ..
قول مثلاً يا جماعة كلمة إنشاء ( ... ) غلط .. والصحيح إن شاء الله ، وواللهي غلط والصحيح واللهِ .
لكن تغلط في الناس عيب .. وقوانين الموقع بتمنع ده .. وممكن تتعرض عضويتك للحذف إن تكررت وتقدر تعتبر ده تحذير .
انت حتى لم تصحح المعلومة .. إنت داخل تاخد حسنات ولا سيئات .. ماهو كده هاتاخد حسنات على إيه ..
على الإهانة .. هاتاخد حسنات على إهانتك للناس ؟؟؟!!!! ... مش معقول طبعاً .
لكن لو كونت صححت المعلومة كونت خدت الحسنات ومش هاتلاحق .. وكل واحد يقراها ويستفيد .... بحسنات أكتر وأكتر ليك ، وأشكرك إنك إدتني الفرصة آخد أنا الحسنات دي .
وبعدين قولي ... هو إنت قريت المساهمة بتاعتك ..
إنت مش شايف كم الأخطاء اللي فيها ... ده مفيش حاجة صح غير اللي انت ناقلة .. يعني الكلام اللي نسخته بس هو اللي صح ومن ساعة ما بدأت إنت تكتب وكله غلط .. وبغض النظر عن المسافات المفقودة بين الكلمات والزائدة داخل كلمة واحدة .. فكلمة لحظتها خطأ .. والصحيح لاحظتها ... فأنت تعدل على غيرك وأنت تخطئ هذا بجانب أن أسلوبك غير مقبول لأنه يحمل نوع من الإهانة ... إنت طبعاً أكيد هاتزعل لو قولتلك مش عارف تكتب لاحظتها هو انت اتعلمت فين ؟؟
لكن أنا ماقدرش أقولك كده لأن ده عيب .
وأخيراً مشكور جداً جداً جداً ولك مني أرق الأمنيات .

المراقب العام

ليه يا عم مكلنه موجدين

السلام عليكم ورحمة الله موبركاتة
ازاى محدش بيرد
الموقع جميل جداااااااا
ويجبر الناس على الرد ولو حتى بكلمة شكر
ربنا عاكم ونحن معاكم

الأخ alaex
مشكور على ردك وفي إنتظار مساهماتك .

الأخ alshaar

مشكور على ردك .
وربنا ما يجيبش زعل .

الأخت eman

ألف شكر ليكي يا إيمان على تفاعلك الملحوظ في جميع أقسام الموقع ودي فكرتك أساساً .. إنتي أول واحدة زعلتي .
ويارب ماتكونيش لسه زعلانة .. وإن شاء الله خيير .

الأخت أماني
مشكورة جداً .. أربع مرات بعدد الردود الأربعه اللي كلهم أجمل من بعض .
ونعم الناس من ألحقوا القول بالعمل .. قولتي ونفذتي .
ألف مبروك على الإشراف .. ونتمنى أن نراكي دائماً متميزة ونشيطة .
وإحنا اللي بنشكرك على إهتمامك وإلتزامك بأقوالك .
وورينا بقى الهمة في الإشراف .

الأخ العزيز وصديقي maldini2010
أشكرك جزيل الشكر على ردك الجميل .. ومشاركتك الفعالة ..
وأحب أقولك يا مالديني إن رد 15 عضو عليك ده في حد ذاته حاجة مبهرة ونسبة عالية جداً في الرد .. مقارنة بمواضيع أخرى للعديد من الأعضاء لم تحظى بأي رد .
وعلى الرغم من ذلك إنت زعلان .. طبعاً عندك حق .. لكن ما بالك بباقي الأعضاء اللذين لم يحظوا ولو برد واحد ؟؟!!
وعندما ذكرتك في موضوعي لم تكن مجاملة .. وعندما شكرتك في مساهماتك لم يكن ثناء .. وإنما هو سرد للواقع وهو أنك عضو نشيط ومشارك ومتعاون ومهتم .. وهذا الشكر أو كما تفضل أن تسميه .. هذا الثناء أنت تستحقه .
وها قد ظهرت نتيجته .. وتم تنصيبك مراقباً عاماً للموقع .. فأرق وأجمل التهاني لك مني على هذا المنصب .
ومن يدري .. لعل لو أنه لم يرد ذكرك في موضوعي .. وردي عليك وتشجيعي لك لما كونت تجاوبت وتفاعلت ولما إلتفت إلى وجودك أحد وكونت ستمضي في استيائك من عدم الردود والمشاركة إلى أن تنسحب .. وكونا سنخسرك .. فالحمد لله أنك باقٍ معنا الآن .. وإلا كنا سنخسر عضواً نشيطاً قد يساعد على رفع مستوى وشأن هذا الموقع الجميل .. ولذلك فإني أؤيدك فيما قولت .. وأن ما كان من الممكن أن يحدث معك قد يحدث مع الآخرين لو إستمر حال الأعضاء على هذا المنوال من تجاهل الردود والمشاركة .. وبهذا نخسر كل أعضائنا النشيطين تدريجياً .. وحيث أن الأعضاء النشطة هي من تأتي بالمواضيع .. فلن تجدوا مواضيعاً جديدة إذا حدث ذلك .. وبالتالي سيصبح محتوى الموقع خاوياً من التجديد وسينهار بدون من يساهموا في تدعيمه .. أتعشم أن ندرك ما يمكن إدراكه وأن لا يحدث هذا وأن تكون صرختي هذه سبباً لإفاقة الكثير من النيام .
أخي مالديني .. مرة أخرى .. ألف مبروك .

الأخ osS_osS

وعليكم السلام ورحمة الله وبركاته .
مشكور أولاً على إهتمامك بالرد .. ثانياً شكراً مابتاخدش وقت يا أوس أوس ...
تخيل كده أنا خدت وقت قد إيه عشان أرد كل الردود دي على موضوع واحد بس ولسه ..
لكن ده عشان ماقدرش ماردش على حد قدرني ورد عليا ..
مش مطلوب من اللي زيك أو في ظروفك وكل الناس اللي مش فاضية غير أربع حروف مش هاياخدوا ثانية ..
ولو توفر شوية وقت زيادة .. إبقى عبر عن رأيك ..
وشكراً ليك .

سلام اخوانى اتمنا الخير للموقع

السلام عليكم
بصراحه انا نفسى اتفاعل اكثر مع المنتدى ولكن مش عارف ازاى لانى معنديش خبره فى هذا المجال ولذلك انا برد بالشكر وخلاص على اى موضوع فارجو من الاخوه الاعضاء يعلموا الاعضاء ازاى نعمل مشاركه او موضوع يفيد الجميع ويعود بالنفع علينا كلنا
واتمنى من الله التوفيق للجميع
ارجو الاهتمام بهذا الموضوع

نشكرك ياخى الكريم على مجهودك العظيم
انت وباقى الاخوة المشاركين
ومتزعلش
سيكا

الحل الوحيد تحيد عدد مشاركات معين و اللى مايلتزمش مش غير ما يزعل مش عاوزينه

اوعى حد يزعل احنا ليكو وبيكو احنا دايما موجودين بس ممكن يكون الاعضاء
مهتمه اكتر بالماده اللى بيحملوها وده من روعه المواد الجميله اللى بتتقدم
عشان كده محدش يزعل

أخى أشرف تفاعلكم معنا هو الذى يعطينا الدافع القوى لنعطى كل ما هو جيد وجديد

مشكور ونرجوا المزيد

باشكرك يا هبة على متابعة الموضوع في فترة غيابي .

لا شكر على واجب ياريت نرجع زى زمان

إن شاء الله .
ولو إن في مقولة شهيرة بتقول :
عاوزنا نرجع زي زمان .. قول للزمان إرجع يا زمان .

بس الزمان عمره مايرجع ابدا تقصد ايه

ولا حاجة دي كانت مجرد دعابة .

بس انا بتكلم بجد عايزين نرجع كلنا ملمومين تاتى فى الموقع على الشات و نتكلم مع بعض زى الاول

أكيد طبعاً يا هبة وأنا كمان نفسي في كده .

اوكى ممكن علشان انت مشرف عام تبعت رسايل على الخاص للناس كلها و تحدد ميعاد نتقابل فيه على الشات و تقولى عليه

أنا معنديش أي مانع بس الكلام ده لازم يتم بالتنسيق مع الأستاذ خالد عشان الواحد ما يتعداش حدوده برضه .. وأوعدك هاقوم باللازم تجاه الموضوع ده .

dddddddddd

يا ريت توضح يا كبير عشان إختلط عليا الأمر .

أرجو إن مايكونش قصدك اننا بتوع كلام وخلاص .

ليه يا عم تامر بس .. وسيم ما بيزعلش حد .. ياترى زعلان من ايه المرادي ؟؟

اخى الكريم وسيم انا مقدر جدا تعبك وخوفك على المنتدى وارجوا ان نكزن يدا واحدة لخدمة المنتدى ووضعة فى المقدمة