تذكير بمساهمة فاتح الموضوع :
لا يوجد تفاعل بين الأعضاء
يا جماعة الموضوع ده فعلاً ظاهرة عامة في الموقع .. والشخص اللي المفروض يعمل على حل أو علاج المشكلة دي مش موجود .. وغير متواجد ... حل المشكلة دي ممكن يكون في ايد حد من سلطته إرسال الرسائل الجماعية اللي تحث على المشاركة الجماعية .
إحنا عملنا إقتراح بشأن الموضوع ده في الموقع في قسم الإقتراحات ومفيش حد عبره .
ولا حتى مدير الموقع ولا المدير العام دخلوا عليه .. إحنا مش عارفين نكلم مين .. حد يرد علينا ياجماعة .. مش معقول مفيش تفاعل ولا من الأعضاء ولا من الإدارة ... محدش يفتكر إن أنا داخل أخبط في الكل ولا حاجة .. الحمد لله أنا كل مشاركاتي تشهد عليا وعلى أسلوبي وعمري ما أحب أزعل حد مني .. أنا بس بقول الكلام ده عشان قلبي على الموقع ونفسي يكبر بينا ولينا ... إحنا أعضاء الموقع المستفيدين بحق .. صدقوني .. صاحب نصيب الأسد في الإستفادة من الموقع هو العضو مش صاحب الموقع .. صاحب الموقع يا جماعة بيتعب عشانا .. ومجهوده واضح وائماً حريص على التجديد في الموقع ورفع مستواه .. بس برضه عايزينه يهتم بالمواضيع دي شوية ويعين حد يشيل الحمل معاه شوية عشان إيد لوحدها ماتسقفش .... يعني مثلاً أنا ملاحظ نشاط ملحوظ لعضو إسمه مالديني في قسم برامج الكومبيوتر .. وعضو مشارك ومتفاعل .. نحاول نشركه معانا في المواضيع .. نحاول نستقطب العناصر الكويسة دي عشان تزود إسهاماتها عشان نرفع من شأن الموقع وصدقوني إحنا كأعضاء اللي هانستفيد .. صاحب الموقع مش بيستفيد منه على قد ماهو مسئوليه عليه وحمل تقيل .. تخيلوا لما يكون على شخص واحد بس عبء إرضاء وحل مشاكل 1540 عضو تقريباً والزيادة مستمرة يومياً وربنا يزيد ويبارك ويكتر الأعضاء .. بس عايزين تفاعل مش أعضاء تدخل تاخد وتمشي .. أنا قربت أغير سياستي في وضع المواضيع .. أنا دائماً ضد فكرة ضع رد ليظهر الموضوع أو ضع رد ليظهر الرابط .. وباعتقد إن ده نوع من لوي الدراع أو إستجداء الشكر .. عشان كده في معظم الحالات بيطلع من غير نفس .. وساعات الواحد بيكتب أي حاجة في أي كلام وحروف ملخبطة وخلاص عشان يقدر يشوف الرابط .. مع إنه لو كتب كلمة من أربع حروف بس هايكون أسهل وألطف .. شكراً ولا :
klgsflgfld;sfk;dsl;kskf;dlskf;ldskf;ldk;ldjg kfdljglijf
مين فيهم أسهل ؟ ومع ذلك في ناس بتعمل كده مش عارف ليه ؟؟!!! لازم نعمل وقفة يا جماعة وأنا شخصياً باعلن إحتجاجي ولو مالقيتش تفاعل من الأعضاء ولا من الإدارة أنا هاضطر آسفاً أنسحب من الموقع ده وأمتنع عن المشاركة .
حقيقي الأخت إيمان عندها حق إن مفيش غير تلاتة في الموقع بيشاركوا ويعملوا مساهمات ( هبة سويلم وإيمان والعبد لله ) وده عيب أوي .. عيب على موقع كبير زي ده مليان أعضاء زي الفل فيه أكتر من 1500 عضو محدش يشارك منهم غير 3 .
أقول إيه بس طولت عليكم ويارب يكون بفايدة .. طبعاً باشكر هبة وإيمان على ردهم قبل ما يردوا لأني متأكد إنهم هايردو .. ويارب ما يكونوش همه وبس المرادي .
أخوكم العضو الزعلان .
الثلاثاء 23 يونيو 2009 - 9:59
