وما الجامعة الا لوكييشن كبييييييييير

وما الجامعة الا لوكييشن كبييييييييير Uni00

<<
اصحى تيييت تيييت تيييت فوووووووووق >>

اقفل منبه الموبايل بخنقة
مابعد الاستيقاظ واقوم مغمض العينين وامشى على السيراميك البارد اوى لحد
ما ألاقى نفسى خبط فى الباب اااااااااااااااااااى

تفوقنى الخبطة ويبدأ اليوم

هاعفيكوا من تفاصيل دخولى
الحمام ولبسى هدوم الخروج عشان عيييييب _ احنا مش فى اتوبيس _ المهم
يااخوانا انى اوصل الجامعة بردوا شبه نائم وفى اذنى الهاندفرى كالعادى بعمل
اصطبحاتى مع الهضبة عمرو دياب واوقات الكينج عشان حبايبى ميزعلوش

اطلع وانا لسه بحلم خير الله
ما اجعله خير ان فيه محاضرة
وماله نحضرها .... اجيب
النسكافيه الى من غير نسكافيه ومن غير لبن اصلا _ متسألنيش ازاى _ واستنى
مع بقية البشر بداية المحاضرة

ساعات
كتير بحس ان ايام حياتى ماهى الا عبارة عن افلام

مرة
يبقى فيلم قديم ابيض واسود
ممل
شويتين لان كل حاجة فيه متوقعة تحت شعار << ضحك ولعب وجد وحب
>>
فيه
الدكتور عامل زى البوليس بيجى ديما متأخر وعامل دوشة على الفاضى مما يسمح
للشرير الى هو انا طبعا
انه
يهرب ومع ذلك تلاقى بردة النهايو سعيدة لانك قدرت تثبت الدكتور او المعيدة
بكلمتين او ساندويتشيت المهم انها عدت على خير مع اغنيتين من بتوع حيم وكدة
بقة .....

وساعات
احس انه فيلم suspense يعنى الاثارة والتشويق _هما الى ترجموها كدة _
ودة
بيكون غالبا ايام الامتحانات والدكتور فيه هو ال velin
والسلاح
بتاعه هو الامتحان واكيد نهايته غير متوقعه خالص وغير مسموح انك تستعين
باى وسائل مساعدة اللهم الا البرشام ساعات واللى جنبك احيانا وانت وحظك
يامعلم ياما تطلع فاهم الليلة بتتكلم عن ايه وال trick فين او تطلع زى طول
اللهم فى برسيمه مش فاهم حاجة فى اى حتة

وساعات
بلاقيه فيلم كوميدى ودة لما بيبقى يوم جامد اخر حاجة ومع صحابى التهييس
جايب اخره ومش شايفين قدامنا بنضحك على كل حاجة واى حاجة وكاننا عاملين
دماغ والدكتور ياعينى بيبقى مسخرة وكل كلامه غريب وتلاقى المعيدة لابسة
حاجات معقدة ومأفورة كعادتها ... تفكرنا باستعراض الليلة الكبيرة ياعمى
والعالم كتييرة

واحيانا
شبه نادر بيبقى فيلم رومانسى لما تكون الدماغ رايقة يبقى اليوم هادى كدة
وعسول وتكون فيه البنات بنات والاقى الحياة لونها pink وكان النهاردة
الفلانتين وعمرو بيغنى يااااااااااااه
او
منير متزعلوش

وساعات
للاسف بيبقى دراما دة يوم ما احلم بكابوسى اللى بغرق فيه كل مرة ويفوتنى
الباص بتاع الجامعة وادفع 7 جنيه ع الصبح تفضل معلمة فى نفساوياتى
وميزانيتى ولما اوصل الجامعة الاقى درجات الكويزات بتنط فى وشى كانها
عفريت العلبة المرعب بتاع زمان وزى ما المثل بيقول يوم الامتحان يكرم المرء
او يهان
واحنا
بنتهان كتير اوى فى الدنيا دى

وفى ايام
بتبقى اكشن اخر حاجة
يعنى
اصحى متأخر والحق الباص على اخر نفس واصطبح بكلمة عم ربيع
واروح
ادخل المحاضرة قبل ماالدكتور يقفل الباب بثانية
دة
طبعا بعد كام مشهد جرى وموسيقى تصويرية جامدة ولاكانى احمد السقا فى مافيا
او حتى افريكانو مش مشكلة
بعدين
شوية مغامرات مع الدكاترة التانيين يعنى نخبط على الباب ونطلع نجرى قبل
مانتقفش وحاجات من دى كتير وناخد رحلة سريعة مع عم عادل بتاع الاسانسير
.... او تطلع درجاتك اقل من درجة النجاح بنص والدكتور يرفعك النص دة وتنجح
اكشن اكشن يعنى

المهم مهما كان الفيلم النهاردة حط فى دماغك ان
الفيلم فيلم وانت البطل يعنى انت كبير القعدة زصاحب الليلة دى كلها يامعلم
يعنى الكلام كله عليك والحوارات كلها فى ايديك ..... ولو قفلت معاك اوى
خليك فاكر ان دة فيلم وشوية كدة وهيخلص وتدخل بكرة فيلم جديد اكييييييد
هيبقى احلى واكيد اكتر هدواء وبيييييييييييييييييييييييييس
ياماااان

انت
بقة فيلمك ايه ؟؟؟؟

انا
اوقات كتير ببقى اكشن لانى بصحى متأخر ودة بسبب منير
مش منير
نفسه
قصدى حد
من الفانز بتوعه

واحلى
سلام لمنير والى بيحبوه
وعمرو
كمان

سلاااااااااااااااااااام بقى الله

وما الجامعة الا لوكييشن كبييييييييير 2458722511_a464e0bf27_o

وما الجامعة الا لوكييشن كبييييييييير Amr-diab-12-2-07

انت تقصد ايه بالكلام ده خطير جدا

وما الجامعة الا لوكييشن كبييييييييير 166ce1u

تسلم ايدك يا برنس

جااااااامد اووووي وما الجامعة الا لوكييشن كبييييييييير Smile