مصر لسه بخير لو مصري ادخل لترى اسلحة الجيش المصرى (ليست اسرار حربية)

قدرات الجيش المصري

هذه ليست اسرار حربيه

الـقـــوات الـجــويـــة

وصلنا بقى للمهم , القوات الجوية .. لأن غالبا عدونا أيا كان هيحاول يبتعد عن صدام بري او بحري بيننا في الأول فيلجأ للحرب الجوية

وللأمانة القوات الجوية المصرية حاليا من أكبر
القوات فى المنطقة و هى ثانى أقوى سلاح جو فى المنطقة ، تأتى قبلها
إسرائيل و بعدها تركيا

لكن المفاجأة .. مصر هي رابع دولة في امتلاك طائرات القتال اف-16 من حيث الكم

مش مصدقين ؟

طب ايه رأيكم ان عندنا 4 نسخ مطورة منها ..
هتقولي يا عم تلاقيها طيارة تعبانة هقولك دي الطيارة اللى اسرائيل قصفت
بيها مفاعل صدام النووى و دي الطيارة اللى استخدمتها في حرب لبنان و دي
الطيارة اللى أمريكا دمرت بيها بيت الزرقاوى

وباختصار كده تسليح مصر الجوى القتالى يحتوى على
10آلاف ضابط نظامى بالاضافة الى 20ألف ضابط احتياط تحت أيديهم 580 طائرة
حربية مقسمين الى:

المقاتلات الحديثة ذات الكفاءة: 240 مقاتلة
منهم 220 طائرة اف-16 والنسخ المطورة منها والأحدث
F-16 A/B & F-16 C/D
وهى الطائرة التى تعتبر مصر صاحبة المركز الرابع عالميا من حيث امتلاكها بالاضافة الى 18-20 طائرة من نوع Mirage 2000 2000 الفرنسية

صور لطائرات الاف-16 المصرية وطرزها المختلفة

طائرات اف-16 أثناء مناورات النجم الساطع

Mirage 2000 2000

L-59

L-39

أما عن المقاتلات متوسطة الكفاءة فعددها 135 مقاتلة من نوعى Phantom 4E الأمريكية & Mirage V الفرنسية

Mirage V

نيجى بقى للمقاتلات ضعيفة المستوى وعددها تقريبا 250 مقاتلة من أنواع مختلفة زى:
MEG 21 MF
الروسيةودى اللى شاركنا بيها فى حرب اليمن وحرب 67 وحرب أكتوبر

73 هى دى بقى بتاعة الاشتغالة الكبيرة أول طلعة جوية!! وأنواع أخرى زى J-7 وهى نسخة مصرية مطورة من ال
MEG 21
وطائرات
K-8
التى تصنع فى مصر ... وأنواع أخرى كثيرة

تابع

K-8 طائرة التدريب مصرية الصنع

أما عن طائرات الهليكوبتر (النقل والهجومية) فالقطع المصرية تتراوج أنواعها بين النقل الذى يصل للنقل الثقيل من
Chinook & Mi-8 & Commando

Chinook

Commando

وطائرات الهليوكوبتر القتالية مثل
Apache
الجارى تحديثها الى النوع
LongBow
وطائرات
SA-342K Gazelle
لمهام الهجوم البرىو
SA-342L Gazelle
المزودة بصواريخ مضادة للسفنو
Sea King
للقتال البحرى ومزودة بصواريخ مضادة للغواصات والسفن وهناك أيضا طائرات عملاقة للنقل تسمى
C130

Apache

Sea King

MI-8

Gazelle

C-130

ما فاجأنى أيضا وجود طائرات للتجسس والاستطلاع والانذار المبكر فى مصر وبعضها يصنع فى مصر بطاقة انتاجية كبيرة والبعض يستورد مثل: طائرات ال

E-2C Hawkeye
وال
E-2C Hawkeye 2000
الحديثة جدا

وطائرات بدون طيار مثل
R-E-50 Skyeye

و المفاجأة طائرات
Teledyne-Ryan Model

التى تصنع خصيصا لمصر وهى بدون طيار أيضا وسرعتها 0.8 ماخ بالاضافة للطائرات القديمة

HawkEye E2-C

Teledyne-Ryan Model 324 طائرة بدون طيار للاستطلاع والتجسس

نيجى بقى للسؤال المعتاد , ليه طيران مصر قوى؟

سرب طائرات متطور و بكم كبير و بطياريين محترفين منهم من تدرب لأكثر من 2000 ساعة (وأسمائهم معروفة وبقائمة منشورة بأسمائهم على الشبكة ودى حاجة ماكنتش موجودة فى 73 خالص)

بالاضافة الى انك تمتلك نفس انواع الطائرات التى يمتلكها عدوك بل و تتفوق عنه في امتلاكك للطائرات الروسية التى لا يمتلكها , مما يصعب على العدو محاولة التشويش

و ايضا وجود انظمة دفاع جوي متطورة بعدد حوالي 4000 منصة مما يصعب على العدو دخول المعركة الجوية بسلام

وأيضا وجود الكثير من المطارات العسكرية و لو نظرت الى كم الطائرات
التى اخرجتها مصر من الخدمة فستجد ان اعدادها تساوي اعداد الطيران الاساسي
في بعض الدول

كمان فيه معلومة مش متأكد منها لأنى مالقيتهاش الا على موقع واحد بس
وهى ان مصر هى الدولة العربية الوحيدة التى تمتلك قمرا صناعيا للتجسس
واسمه مصر سات -1

أما عن السلاح النووى فمصر لم تعلن عن امتلاك او نية امتلاك السلاح النووى

و هي فعلا لاتحتاج للاسلحة النووية للدفاع عن نفسها ضد اسرائيل فلديها ما يغنيها عن السلاح النووى ضد اسرائيل

و الواضح ان مصر لديها بنية تحتة نووية جيدة متمثل في مفاعلين نويين
ومصنع وقود نووى ومصنع ماء ثقيل ويوجد لديها خام اليورانيوم وهى تحتاج الى
ارادة سياسية لامتلاك سلاح نووى للدفاع عن نفسها اذا لم يكن لديها فعلا

و الشئ بالشئ يذكر حيث لو قرأنا موقف مصر السياسي من معاهدة حظر انتشار الاسلحة النووية فسنجد:

ثانيا : الفقرة رقم 15 النقطة د :-د- إذا حصلت إسرائيل على أسلحة نووية ، فلا يمكن لمصر أن تقف ساكنة في مواجهة هذا التهديد الخطير للأمن القومي المصري .

مصر تخفي الانفاق العسكري بلاشك و ذلك لدواع امنية

و لكن طبقا لمصادر اسرائيلية فإن متوقع الانفاق هو14 مليار دولار سنويا

هنا تأتى نهاية البحث

ومنه استنتجت بالفعل نتيجة بحث أعده مركز يافا للدراسات الاستراتيجية
الاسرائيلى عن أن الفجوة الاستراتيجية بين اسرائيل وجيرانها لا زالت
موجودة بالفعل ولكنها تضائلت بشكل كبير مع نظيرها المصرى حيث أن معدل نمو
قوة الجيش المصرى كانت أعلى بكثير من الجيش الاسرائيلى منذ حرب 73 وحتى
الآن

..................................................

الفرقاطات والمدمرات

بالنسبة للفرقاطات عددهم عندنا 10 أكبرهم فرقاطة

Mubarak Class

وهى الفرقاطة الأولى أفريقيا وبالتالى مركزها متقدم جدا عالميا

لأنها مزودة بطائرتين هليوكوبتر مدى اطلاق كل واحدة 627 كم

ومزودة أيضا بصواريخ هاربون اللى وافق الكونجرس الأمريكى أخيرا انها تبقى عندنا باعتبار انها بتشكل خطر على جيراننا !!

ومزودة أيضا بطوربيدات بحرية ومدافع سريعة الطلقات (3000 طلقة فى الدقيقة) وصواريخ سطح جو مدى أقلها 18 كم

صورة لفرقاطة (مبارك كلاس) الأم بالبحرية الأمريكية

ده كان عن فرقاطة (مبارك) بس عندنا كمان عدد من الفرقاطات تقربها قوة وأسمائها

Suez Class

Damiet Class

Tarek

Al Fateh

وهم أيضا مزودون بطائرة هليوكوبتر واحدة ومدفع سريع الطلقات وصواريخ هاربون وطبعاااا طوربيدات بحرية

بالاضافة فيه أمل عن قريب أن يتم ضم فرقاطات أمريكية متطورة

صور أخرى لفرقاطة مبارك

فرقاطة توشكا

الفاتح

فرقاطة طابا

جميع الصور من سفن البحرية الأمريكية

أما عن الطرادات والقوارب السريعة

فأنا تعبت من العد الصراحة بس كنت وصلت ل50 قطعة
ووقفت العد , من أكثر من 10 أنواع منهم النوع القديم أوى (كومار) اللى بيه
أغرقنا المدمرة ايلات

وكمان 13 كاسحة ألغام من 3 أنواع مختلفة

كما تملك مصر عدد غير معروف من سفن ال

smb1
الروسية

قوارب النمر السريعة

قارب
osa1
السريع

قارب من نوع رمضان السريع

قارب
shershen
السريع

كاسحة ألغام

بالاضافة الى قوارب الحراسة والمراقبة الخارجية وهى بالتأكيد لم تدخل ضمن عد قطع الأسطول المصرى لأنى وصلت فى العد بأنواعها المختلفة الى نحو 170 رغم انها مجهزة عسكريا كويس أوى

واكتشفت كمان ان العد (220 قطعة فى الأسطول) ده مش
متضمن القطع القديمة رغم انها مازالت فى الخدمة ورغم ان معظمها تم طلب قطع
مطورة لها

سفينة قوارب وانزال دبابات وبضائع

أما عن الحوامات البحرية (اللى مادخلتش العد برضه) عندنا منها:

10 SH-2G Super Seasprite
5 من نوع WS.61Sea King
9 من نوع SA.342L Gazelle
2 من نوع Camcopter
و انواع اخري....

طب هنسأل نفس السؤال دلوقتى...

ليه القوات البحرية المصرية قوية؟؟

أولا بفضل الكم والكيف معا , فأسطول مصر هو الأكبر فى
الشرق الأوسط وعشان دولة تانية تجيب نفس الأسطول بنفس القطع حتى محتاجلها
فلوس كتير ووقت كتير عشان تتصنع , لأن القطع البحرية بالذات بتأخر جدا فى
التصنيع
..........................................--------------------

قدرات الجيش المصرى

هنبدأ بالقوات البرية وأسلحتها , اللى فى رأيى هى
أهم فرع من فروع القوات لأنها هى اللى بتحقق الاحتلال الفعلى للأرض
وبدونها لايوجد احتلال او تحقيق انتصار ملموس على الأرض , فقط تدمير
لقدرات العدو

من أول السلاح العادي ..
سمعتم عن الكلاشينكوف ؟ .. مصر طورت الكلاشينكوف و صنعت مجموعة بنادق
اسمها المعادي و اتضح انها من افضل اسلحة المشاه المحمولة و مصر بتصنعها و
بتصدرها للخارج كمان هنبدأ ودى معظم أنواع
الأسلحة الموجودة لدى الجيش البرى المصرى من أول الأسلحة الخفيفة حتى
القذائف المضادة للدروع وعددها (على حسب ذكر أحد الموسوعات العسكرية) عدة
ملايين

- مسدس حلوان (مصري)
- مسدس Beretta M951
- بندقية نصف ألي عــقــبــة (مصري)
- بندقية نصف ألي Beretta 12S (إيطالي)
- بندقية نصف ألي Star Z-45 (أسباني)
- بندقية نصف ألي بور سعيد (مصري)
- بندقة آلية (رشاش- قنص) AK-47 ( روسي )
- بندقة آلية (متعددة الاستخدام) M-16 (أمريكي)
- بندقة آلية (متعددة الاستخدام) FN MAG (أمريكي)
- بندقة آلية (رشاش - قنص) SKS (صيني)
- بندقة آلية (رشاش - قنص) SVD (روسي)
- بندقة آلية (رشاش - قنص) حكيم (مصري)
- بندقة آلية (رشاش - قنص) AKM (روسي)
- بندقية آلية خفيفة RPD (روسي)
- بندقية آلية متوسطة SGM (روسي)
- بندقية آلية ثقيلة DShK (روسي)
- بندقية آلية ثقيلة Browning M2HB (أمريكي)

لاحظ أنه هناك العديد من الأسلحة تصنيع مصرى (وبالصورة)ة

أما عن الدباباتمصر
كمان (بتصنع) دبابة اسمها رمسيس و اتضح ان الدبابة دي قوية لدرجة ان سمك
الفولاذ فيها يعادل سمك الفولاذ في الدبابة الامريكية تشالنجر

وكمان بتصنع ناقلة جنود مصفحة اسمها فهد و دي قوية جدا و برضه بنصدر منها لدول كتير جداولها أكثر من اصدار مثل
Fahd 240 , Fahd 230

ناقلة الجنود فهد ليست مجرد ناقلة فعى تتميز بالمميزات الآتية:

1.خفة الحركة التكتيكية .

2.قوة نيران عالية بمدى كبير.

3.تعمل ضد الدبابات و المدرعات و الطائرات المنخفضة و الهليكوبترات و تجمعات الأفراد.

4.القدرة على الاشتباك من الثبات و من الحركة ليلا و نهارا و بدقة عالية.

5.تعمل دون دعم نيرانى

ناقلة جنود فهد القديمة

تصنع مصر أيضا عربات الاستطلاع مثل (نمر) والتى لا
تستخدم فى الاستطلاع فقط ولكن فى الاتصالات وناقلات أفراد الصاعقة والتدخل
السريع فى الجيش وايضا تصنع مصر العربة المدرعة (قادر) أو

Kader G-320

(المحجوبة الامكانيات)

كل الدبابات أو العربات دى وأنواع أخرى مثل عربات الاسعاف العسكرى بتطلع من مصنع الهيئة العربية للتصنيع وشركة

Arab British Dynamics Co. (ABD)

وهو مصنع مشترك يقوم أيضا بانتاج قذائف وحاملات
وانظمة توجية الصواريخ المضادة للدبابات وتصميم وتصنيع الكبائن العسكرية
وكبائن القيادة والسيطرة الارضية وتصنيع كابلات نظم التسليح المختلفة

أما عن المدفعية , عندنا مصنع صقر (على سبيل المثال)ل

Sakr Factory for Development Industries

اللى بيصنع صواريخ من اول الصاروخ صقر كل العيارات مرورا بصواريخ الاباتشي نهاية بقذائف الار بي جي

و تخيلوا قدرة المصنع قد ايه ؟
سبعمائة و خمسين قذيفية يوميا .. يعنى حوالي مائتان و سبعة و ستين الف قذيفة سنويا .. ده من نوع واحد بس من القذائف المضادة للدبابات

أما عن الصواريخ بعيدة المدى فإسرائيل اعترفت اخيرا
ان مصر تمتلك صواريخ سكود بعد ما كانت بتهددنا انها اذا اكتشفت صواريخ
بعيدة المدى هتضرب السد العالي

بالاضافة لصواريخ باليستية محدودة العدد علما بأن
الصواريخ الباليستية تعتبر من أسلحة الدمار الشامل وقادرة على حمل رؤوس
نووية (ده ان وجدت طبعا)

المصنع ده بالذات -غير القدرات التصنيعية فيه- بيطور كتير فى الصواريخ اللى بنستوردها زى انظمة الدفاع الجوى الروسية من نوع
SA-18
وقامت بأجراء عملية تطوير شاملة للصاروخ جعلته احدث
واحسن من النسخة الروسى حيث قام المصنع بأضافة نظام توجية جديد ادق فى
التصويب ونظام رؤية محسن عن الروسى وقامت بتركيب نظام تعارف
IFF
وجعلته مصر باسم (عين الصقر)

ويمكن استخدامة فى العمل ليلا عن طريق تركيب انظمة رؤية ليلية صممت من أجله كما قام المصنع ايضا بتطوير الصاروخ الروسى بعيد المدى
SA-2 SAME

الى نسخة مطورة عن الروسية حيث تم اضافة محرك اقوى
واسرع من الروسى واضافة نظام توجية وتعقب محسن وصناعة نظام رادار جديد خاص
بة وتعديل الصاعق والطابة للصاروخ بتركيب صاعق وطابة ادق وتحمل شحنة
متفجرة اكبر من القديم وذلك لأصابة الهدف بدقة

ويقوم المصنع ايضا بصناعة عائلة
RPG-7
بمختلف انواع القذائف

و السؤال دلوقتى .. ليه القوات البرية المصرية قوية ؟

الجواب : عشان عندنا حوالي 4000 دبابة
قتال مستعده تكون في الميدان وقت الحرب فورا و منهم دبابات الامبرايز
الامريكية التى لا تمتلكها اسرائيل .. بالاضافة الى ان القوات البرية تم
ميكنة كتائبها بالكامل
يعنى الجنود مش هيتنقلوا في عربيات نقل
زي ما حصل في حرب 1973 لكن في عربات مدرعة مصرية الصنع .. بالاضافة الى
اننا عندنا مدافع بأعداد مهولة (لقيت أنواع كتير جدا بنستوردها وبنصنعها
لو اتكلمت عنها مش هنخلص) تكفي لدك ثكنات اي عدو مهما كانت تحصيناته
و يجب ان لا ننسى ان جيشنا فيه عدد من الفرق الخاصة مثل العقرب و 777
و تلك الفرق شاركت في مناورات كبرى مع دول مثل امريكا , انجلترا , المانيا , فرنسا , ايطاليا
و كمان عنصر العدد فجيش مصر الاساسي
حوال مليون و ربع المليون جندي و في حوالي 18 مليون جندي على قائمة
الانتظار منهم 15 مليون مهيئين للقتال فعلا

ده عن الكم , أما عن الكيف وكيفية استخدام ونقل تلك الأسلحة يكفى أن تعلم معلومة بسيطة عن مناورة بدر-96 إذ
قام الجيش في خلال وقت قياسي بنقل حجم كبير من القوات إلى وسط سيناء مما
أثار ذعر نتنياهو وقتها وكانت هذه المناورة مثار الحديث والتحليلات لفترة
طويلة .
حيث نقل 50 % من معدات الجيش المصري
الى عمق سيناء في 6 ساعات واستطاع ان يصل لحالة الاستنفار الهجومي في 11
دقيقة فقط وتم اصدار حوالي 10 دراسات امريكية عن هذا الانجاز . وهذه
مناورة مشهوره جدا في تاريخ المناورات في الشرق الاوسط وايضا مناورة
‏كليوباتراـ‏98 و النجم الساطع

أكثر ما أذهلنى شخصيا وأنا بحضر
للموضوع ده انى لقيت مصر من الدول المصنعة والمصدرة للسلاح وكمان دايما
بيبقى ليها جناح مميز فى جميع المعارض العسكرية الدولية والبوست ده كان عن القوات البرية بس , البوست الجاى عن قوة القوات البحرية (طبعااااا) والقوات الجوية (المفاجأة) ,واخيرا لا استطيع سوى ان اقول مصر لسه بخير وربنا يساعدك ويحميك ياريس
ياريت القى تعليقات جامده لأن الموضوع اساسا جامد واشوف همة الشباب المصرى
.

الموضوع جميل وكبيير أوي يا قلب ميت .. بحييك عليه وأتمنى تكون واثق من المصادر .. شكراً ليك على الموضوع المتميز .

من مصادر موثوق منها والصور من المصدر منه

اشكرك علي مرورك

اية يا عم الحجات دى كلها شككتنى فيك انت تبع الموساد ولا اية واحنا مالنا ومال الاسلحة

مشكووووووووووووو علي المعلومات

shokran

موضوع ممتاز
انا بس عايز اضيف معلومه ان مفاعل العراق انضرب صحيح
بس مش بالطيران العادى
انضرب بالهليكوبتر اللى ممكن تطير طبعا على ارتفاعات اقل من الارتفاعات اللى ممكن يكشفها الرادار وعشان كده انضرب
بس فى مص فيه مراقبه جويه بالنظر عشان الحاجات دى ودا سلاح مش موجود فى المنطقه كلها
"الجندى المصرى"
وفيه روايه تانيه انه انضرب بمتفجرات مزروعه وان الطيران ده كان استعراض للقوه بسِ

الله يطمنك
كده ننام واحنا مطمنين

بشرة خير عموما بعد العراق مابقاش فية حاجة تطمن الا اللجوء الى الله سبحانة وتعالى لتكون مصرنا الغالية فعلا بخير

الموضوع ده جاااااااااااااااااااااااااااااااااامد جدا
شكرا ليك

شكرا على هذا المجهود

هما ممكن الفتره اللي بعد الحرب كان الجيش بيبني نفسه و شكرا علي المعلومات

جامد يا قلب ميت اية كل المعلومات دى الله يعطيك العافية

نعم يا اخى لسة مصر بخير لكن سامحنى لانه لا توجد لديك اى صور حقيقية عن السفن الحربية المصرية وفى النهايى شكرا على مجهودك