تصحيح بالنسبة لكليب الساحر أبو تريكة

الأخت هبة سويلم وضعت موضوعاُ به كليب للساحر أبو تريكه وذكرت فيه أنه من تصميم شخص أجنبي ... تصحيح بسيط .. الكليب طبعاً روعة وجميل وممتاز .. لكن بالنسبة لموضوع المصمم الأجنبي ده أنا ليه عليه تعليق بسيط ..
مصمم الكليب الإسم الحركي له هو : شيفا رونالدو .
مما يجعل أي أحد يظن أنه أجنبي ... ولكني أحب أن أخبركم أنه مصري وإبن مصري .
وإسمه محمود خليفة .
وهو مونتير خطير .. وهو اللذي قام بتركيب وإعداد الصور .
وأعد السيناريو : علاء خليفة .
وقام بالإخراج : ماجد خليفة .

يعني ممكن نقول الكليب ده من إعداد أولاد خليفة .
والكليب ده معمول تحت إشراف وإنتاج رابطة مشجعي الأهلي في حملة الدعاية للاعب أبو تريكة في منافسته من أجل حصوله على لقب أفضل لاعب في إفريقيا لعام 2008 م مع نجم الزمالك عمرو ذكي .
واللي حصل عليه وبنجاح ساحق ماحق تخطى كل التوقعات متفوقاً بهذا على العديد من النجوم العالميين المحترفين من أمثال ميكيل و دروجبا و أديبايور وصامويل إتو .
الجدير بالذكر أن التواجد المصرى فى القائمة كان مكثفاً حيث أحتل المهاجم المصرى و مهاجم ويجان الإنجليزى عمرو زكى المركز الرابع بينما حل محمد زيدان مهاجم بروسيا دورتموند الألمانى المركز التاسع .

وكانت هذه نتيجة الإستفتاء

للدخول على موضوع المشرفة هبة سويلم المذكور أعلاه وتحميل الكليب
إليكم الرابط
http://egyptian-scorpion.info/montada-f61/topic-t6462.htm

أخوكم العضو المنتمي .

مشكور وسيم على المعلومة وتصحيحها

الشكر لله أختي إيمان كلنا هنا موجودين لهدف واحد هو الفائدة والإستفادة العامة .. وكلنا بنكمل بعض .. وجل من لا يسهو والكليب فعلاً أي حد يشوفه للوهلة الأولى ومعندوش فكرة عنه يعتقد إنه من تصميم شخص أجنبي ، ده غير انه مصمم باللغة الإنجليزية .. وده عشان كان معمول لحملة دعاية عالمية وليست محليه ، والأخت هبة سويلم مشكورة إنها أضافته للموقع لأنه كليب جميل ويستاهل وهي دائماً مواضيعها جميلة ومميزة .
ده غير إن فيها ميزة كويسة مش موجودة عند ناس كتير وهي إنها بتتقبل النقد وتصحيح المعلومة بصدر رحب وبمنتهى الترحيب وده اللي شجعني أعمل الموضوع ده ومتأكد إنها مش هاتزعل .

الف شكر اخى الكريم

الشكر لله أخي محمود نورت الموضوع .

حمد الله على السلامه

الله يسلمك ويسلمكم كلكم الموقع كله وأعضاء الموقع وحشوني .

[ياريت ماتختفيش فجأه تانى

حاضر بس والله كان غصب عني .

لما نشوف

إن شاء الله خير .

معلومات جميلة يا وسيم بس الرابط مش شغال .