أخر تقاليع التدخين ( تدخين آخر موضة )

إدخل على هذا الرابط وستجد أحدث صيحة في عالم التدخين .

http://www.smokingeverywhere.com/tpm.php

مشكور يا وسيم بس خلاص الستات عدت دول باقوا عينى عينك على الكوفى شوب بيشربوا شيشة

مشكورة يا إيمان .. على مرورك وردك ..
بس بلاش نخبط في حد .. عشان ماتزعليش حد منك .. دي حريات شخصية Wink

والله انا مبزعلش حد منى بس انا بشوفها وحاجة انتقدتها بس واللى زعل منى اقلة انا اسفة

الموضوع ماوصلش لدرجة الأسف ... بس أكيد اللي بعملوا كده مش شايفين ان هو غلط ..
وعشان دي حريتهم الشخصية .. إحنا مش هاننتقدهم عشان مايزعلوش .
وبعدين انتي ما يتزعلش منك يا إيمان .
انتي كلامك كله زي البلسم ومايزعلش حد .

هل هذا التعبير تعليقاً على الموضوع أم على الردود .. ؟

يا عم و سيم الحاجات دى بتاعة الناس التوتى اللى بيشربوا التفاح و النعناع و الكنتيلوب و بعدين فعلا دى حريه شخصيه زى ما بتقول بس حريه متقده يعنى فيه ناس كتير بتنتقد الحالات دى زى ما ايمان قالت و الستات و البنات اللى بيشربوا شيشه او سجاير اكيد عارفين ده فالعادى انهم مايزعلوش من اى انتقاد و ده وضع عادى يعنى

وجهة نظر تحترم يا هبة .. بس مش كل الناس بتفكر زيك .. في ناس ما بتحبش الإنتقاد ..

اللى ينتقد لازم يقبل هو كمان الانتقاد

هههههههههههه .. إوعي تكوني بتتكلمي عليا .. وانا ايه علاقتي بالموضوع .. هو أنا ستات بيشربوا شيشة ..
بصي يا هبة .. أنا لو تلاحظي .. يمكن أكون إنتقدت حاجات كتير في ناس كتير على صفحات الموقع ده .. لكن لو تدققي أكتر .. هاتلاقي صفة واحدة بتجمع بين كل الحاجات اللي إنتقدتها دي .. وهي إنها بتزعج ناس تانيين .. وده العامل المشترك في الأشياء اللي بانتقدها .. لأن مبدأي هو لا ضرر ولا ضرار .
لكن عمرك ما هاتشوفيني باقول لواحد مثلاً إسمك اللي داخل بيه وحش .. ولا توقيعك مش حلو .. إلا لو كان فيه حاجة تضايق حد برضه .. لأن دي مثلاً حريات شخصية .
وأنا ماقدرش أنتقد الحريات الشخصية للناس مادام حرياتهم دي ما بتزعجش حد تاني .. همه حرين في نفسهم ..
وإنتقاد الحريات الشخصية ده بقى .. من الحاجات اللي بتزعج الناس .. عشان كده أنا إنتقدته .. وأعتقد إن إيمان صاحبة الرأي اللي أنا علقت عليه مش معترضه وفاهماني وهي شخصية جميلة بتتقبل أي كلام بصدر رحب وروح جميلة .. عشان كده الواحد ما بيخجلش ولا بيتردد إنه يقولها أي حاجة .. خصوصاً وإن أنا كان هدفي إن ماحدش يزعل منها .
عموماً أنا مانكرش إني مابحبش الإنتقاد خصوصاً الموجه ليا .. وبيكون ردي عليه عنيييف جداً .
ولكن لو عملت حاجة تنتقد .. فأهلاً بالإنتقاد .. واللي يستحمل يشيل واللي هايجروء ينتقدني يقابل ردي عليه .
واللي عنده القدرة على الإنتقاد .. لازم يكون قده وجاهز لأي رد ومايزعلش بقى .
وأنا جاهز والحمد لله .. وها أنا قد كشرت عن أنيابي .. فهل من منتقد ؟؟!!!
عموماً خيرها في غيرها يا هبة .. وأعتقد ماجتش معاكي برضه المرادي ..

أنا مش قصدى انت خالص

أنا برضو قولت كده .. وشكراً على التوضيح .

بس فى مثل بيقولك اللى ......

في أمثال كتير أوي بتبدأ باللي دي .. وضحي تقصدي مين فيهم .

اللي بيته من قزاز ...
اللي إختشوا ماتوا .
اللي ماتعرفش ترقص ..
اللي ما يعرفش ...
ايه بالظبط .

اية يا ناس قلبتوها دراما لية انشلة يا رب يشربوا الشيشة والسجاير اللى فى البلد صحتهم وبيضيعوها

بعد الشر يا إيمان .. يا رب الناس كلهم يبطلوها .. زما تقلقيش .. أنا وهبة بنحب نعاكس بعض بس .. لكن كله في الكلتش .. والود موجود .. وإختلاف وجهات النظر لا يفسد للود قضية .. والأستاذة هبة على راسنا من فوق .. وبلاش الدراما يا ستي ... تعالي نقلبها هلس :

أخر تقاليع التدخين ( تدخين آخر موضة ) Baby_Smoke_Joint