أتحمل الكثير والكثير من المعاناه وأنا صابر وساكت وراضى.. ولكن ما حدث اليوم لا يمكن السكوت عليه
أذهب فى أمان الله إلى بيت خطيبتى لأتناول الغداء.. كالعادة.. وأنا أتخيل كل ما تجود به المائدة العامرة المعتادة من أصناف اللحم والدجاج أو الأسماك والأرز بالخلطة ولسان العصفور.. طوال طريقى فى المترو وأنا أتخيل لحظة انقضاضى على الفريسة التى هى المائدة.. وكيف سيكون شعورى وأنا أرى لحما من الأحمر أبو أربعين جنيه؟؟
وعندما جلست على المائدة لأنتظر أصناف الطعام فوجئت بأطباق من الجبنة والمربى والعسل والعيش
احنا ماتفقناش على كده على فكرة
وفجأة تصارحنى حماتى أن أزمة أنابيب البوتاجاز قد وصلتهم مشكورة.. وأنه رغم وجودهم بالقرب من مستودع أنابيب بوتاجاز إلا أنهم لم يستطيعوا الظفر بأنبوبة واحدة
طيب أنا ممكن اقرى عن الأزمة فى الجرنال ماشي .. إنما توصلّي أنا ليه؟؟

موضوع جميل جدا بس اللى رايح لخطيبتة دة قولة يحمد ربنا وش وضهر انة لاقى العيش والجبنة ياكلهم فى ناس تانية كتير مش لقيين حتى العيش وبيخدوة من قمامة الناس فا احسن حاجة يحمد ربنا

اللهم إني أحمدك وأشكر فضلك ونعمتك علي يارب العالمين .
مشكورة أختي إيمان على المرور .

ههههههههههههههههههه هو بقي رايح علي طمع تلاقي حماته بتحمد ربنا ان مفيش انبوبه علشان لما يمشي تعملها ليهم يتعشو بيها....... شكرا يا وسيم

دى حماتة ناوية تورية العين الحمرة من اولها. شكرا لك يا وسيم

شكراً على مروركم .. لكن الحكمة في الموضوع ان حماته عايزة تعمل فعلاً ومش عارفة .. يعني الناس في العموم تعبانة .. بس حتى يوم ماتيجي تبر نفسها .. مايعرفوش .. وهو ده الغلب بعينه .

ربنا يسترها علينا وعلى ايامنا الى جايا

طيب دا برافو عليها انها اتصرفت بسرعه ومعلش خيرها فغيرها تتعوض

شكراً على مرورك يا مينو .

يا عم انت هاتشتغلنا ، هو انت مش متجوز أساسا ، هههههههههههههههه
أنا بهزر انا عارفة انك بتوصل رسالة بس مش على لسانك
بس على لسان واحد همه على بطنه
ههههههههههههههههههههههههههههههههه