يوميات مواطن معاصر

عاصرت طوابير العيش..وطوابير التأمينات.. وطوابير المعاشات.. وطوابير الحديد.. وطوابير بوابات معرض الكتاب أثناء التفتيش الذاتى للأمن
دخلت مستشفياتك.. ورأيت أكثر من مريض يرقد على الأرض فى مستشفى الطوارئ لأنه بلا سرير.. وسمعت والد أحد أصدقائى.. كان مريضا بالسرطان.. وهو يرجونا أن ننقله من هنا حتى ولو كان الموت مصيره.. على الأقل سيموت كريما على فراشه وبالفعل نالها.. بعد أن قاسيت أنا شخصيا الأمرين من تعامل الممرضات والأطباء مع المرضى.. حيث كانت الممرضة تعطى العلاج بكل إهمال لمريض مصاب بالسرطان ويتلوى أمامها بينما هى تضحك مع زميلتها وتقول لها: البت سنية بنت الإيه اتخطبت لتالت مرة.. ومارجّعتش الدهب لخطيبها التانى
عاصرت أسعارك.. وحبانى الله أن أكون من الجيل الميمون الذى أصبحت فيه زجاجة الزيت باتناشر جنيه وكيلو الرز بخمسة جنيه وكيلو العدس.. اللى كان اسمه أكل السجون.. بخمستاشر جنيه.. ولن أستطيع أن أخبرك عن أسعار اللحوم والدجاج.. حد الله بينا وبينها.. عشان بيجيلى كرشة نفـَس .

مشكور يا وسيم انا اجالى اكتئاب حاسة ان البلد كلها مش لاقية حاجة

مش كلها طبعاً يا إيمان .. الغالبية العظمى بس ... ومشكورة على المرور .

اصبر الخيييييييير جاي ورا ....

ورا مين .. ماكملتيش ليه .. ورا مين قوليلي ؟؟ .. والله لو عرفته اروح اللبد في ضهره على طول .

ورا اي حد وخلاص بس المهم ييجي الخير ده

يسمع من بقك ربنا .. وشكراَ للمرور .

الخير على قدوم الواردين ، هههههههههه ، بس انت خيالك واسع أوي الله أكبر عليك .