الحب الحقيقى لا يهين الكرامه و لايزل صاحبه و الا يكون اى شىء الا حب حقيقى

اشكرك علي ردك ومرورك

إذا وجد الحب بحق .. فلا يوجد شيء يقاس بالكرامة .. وكل فرد على حسب درجة حبه للطرف الآخر ..
فهناك من يتنازل وهناك من يتغلب عليه الكبر .. وهي فروقات فردية لا يمكن الجزم بها تبعاً لإختلاف الشخصية .
وصوابعك مش زي بعضها .. ولا إيه .
عموماً اللي بيحب بجد المفروض إنه ما يجرحش كرامة اللي قدامه .

صح كده

لايوجد شئ اسمة كرامة بين اى اتنين بيحبوا بعض بجد
كل واحد بيقبل كلمة الاخر على انها نصيحة او نقد لبعض التصرفات الخاطئة

الحب مش كلمه وخلاص الحب انك ازاى بيكون شعورك تجاه الى بتحبه ولو بتحبه قوى و بجد اى كلمه يقولها متفكرش فيها ولو هو بيحبك متجرحيش كرامته

اللى بيحب دايما يفكر ازاى يخلى حبيبه سعيد فأزاى بقى هيجرح له كرامته أزاى

مش شرط يكون المحب قاصد يجرح كرامة اللي قدامه .. ووارد جداً إنه يكون بيدور على مصلحته لكن الطرف التاني يفهم غلط .. ودائماً .. أو بلاش دائماً .. غالباً الصراحة بتزعل .
وهي دي الفروق الفردية اللي إتكلمت عليها ... يا ترى الطرف التاني هايعتبرها إهانة ولا هاياخدها بمحمل آخر ولا هايدرك معناها الصحيح .
ده اللي هايفرق دايماً .. وده برضه راجع لدرجة الحب الموجودة .. لأن اللي بيحب أوي .. مابيشوفش حبيبه غلطان .. وبيحلي أي حاجة فيه .. وكلامة الدبش بيبقى سكر .. وإلا ماكانش الناس قالت في الأمثال :

مراية الحب عمياء .
وضرب الحبيب زي أكل الزبيب .
وبصلة المحب خروف .

أنا أعتقد ان اصلا مفيش حاجه اسمها كرامه ف الحب لانه ببساطه شديده الكرامه بين اثنين متواجهين ودا بعكس الحب لانه عمليه دمج بين شخصين مختلفين لينتج شخص ثالث فالحب توحد واندماج ولو فهمنا كده الحب صح عمرنا منقول ان هناك جرح للكرامه ف الحب والا يكون اى شىء تانى عدا الحب و يكون قد اختلط علينا الامر فكيف يكون هناك كرامه بينى و بين نفسى

وجهة نظر سليمة يا مينو .. الله ينور عليكي .

شكرا يا وسيم على ذوقك

الشكر لله يا مينو بس دي مش مجاملة ... رأيك سليم فعلاً .. الأحباء المفروض انهم واحد والشخصين بيكونوا في حالة توحد .. بس ده يرجعنا لرأيي برضه .. لأن ده بيتوقف على هل درجة الحب واحدة عند الطرفين ولا لأ .. لأن ممكن يكون في طرف من الإتنين رافض التوحد ده .. وهنا تكمن المشكلة .. إن طرف ممكن يعتبرها عادي والتاني يعتبرها إهانة .. ولما الطرف الأول يعديها ويعتبرها عادي .. الطرف التاني يعتقد إنه معندوش كرامة .
ودي بتكون وحشة .
عموماً أنا برضه بأيد رأيك وان المفروض يكونوا الإتنين واحد ومايشعروش بالفرق وحلو تعبير مفيش كرامة مع نفسي .

اعتقد ان الحب بيتغلب على اى شئ ومن رائى عايز تحافظ على كرامتك بلاش تحب لان مافيش حاجة اسمها كرامة امام حبيبى وانا مستعدة اتنازل عن كل كرامتى من اجل حبيبى لان هو اللى هيكون كرامتى وحياتى كلها
ارجوا ان تتقبل مرورى وشكرا على الموضوع الرائع ده

اكيد طبعا الحب الصافي يتغلب علي الكرامه

اشكركم جميعا علي ردودكم الحلوه