مواصفات الزوج ابو عيون زااااااااااايغه

1- تلفونه دايما عليه قفل

2- كل ما تتصلى عليه عنده ويتنج - انتظار
وسبحان الله في البيت تليفونه مايرنش ابد وغالبا لانه سايلنت -صامت

3- اذا نسى تلفونه عندك فى عربيتك وهو نازل بقاله ولا صيدليه يرجع زى الصاروخ علشان ياخذه

4- لو عايز ينام يقفل تلفونه
مش علشان سواد عيونك ولا علشان راحتك طبعا

5- عنده ردود جاهزه ... يعني اذا رن تلفونه يقول لك ده واحد رزل مش عايز ارد عليه
مع أنك ما سألتيوش مين اتصل ولا قلتيله شوف مين اللى اتصل !! ...

6- يكون عنده ارتباط بين الرسايل او الرنه ... و الخروج من البيت!! ماعرفش ايه
العلاقه بس يتعذر بعدهم بأي شي علشان يخرج

7- يتكلم بالتلفون في مواقع غريبه الحمام - المطبخ
المهم مكان بعيد عنك

8- فيه اسماء غريبه في تلفونه على سبيل المثال
ابو غاده = غاده
عنتر = عبير
محل الكنافه = الي رقمها عند بيت الكنافه
الصواريخ = رقمها بسوق الصواريخ
انور = نوره
صالح = باميلا اندرسون

9- لو كنتوا خارجين بالعربيه ونزل بقاله ولا حمام يطول اكثر من اللازم !!!ا

10- فجأءه بيبقى حبيب معاكي بدون سبب - عقدة الذنب

11- ما يمنعكيش من انك تروحى لأي مكان ... لانه عايز يفك يا هبله دايم يقولك روحي و اتفسحى يا حبيبتى

12- ما يقولش لعيالكم كلمة ( عيالي) يقوول عيالك

13- اذا رحتي بيت اهلك يكلمك ويقولك لو كنتى مبسوطه مع خواتك نامي اليوم عندهم

14- يتفلسف في الامور الحريميه
حمل ولاده مكياج دوره حواجب اظافر وتستغربين من فين عنده كمية المعلومات دى؟؟
من عندها يا حووماره

15- يحاول يتخانق معاكي اذا كان مواعدها عشان يكون طبيعي انه مايرد على تلفوناتك


16- اذاوصل البيت بيفضل فى العربيه ساعه قبل مايدخل
.. تدرون بعد .. احلى المكالمه آخرها ..

17- كل كلامه مع اصحابه يكون بالالغاز لان كل مواضيعهم عن بنات

انتى رايك ايه يا عيون النمر

اعلنى يا هبة الحرب الحمد لله جوزى مبيعملش الحجات دى بس بيقلى اتفسحى براحتك اية رايك يا هوبة اعلن علية الحرب ولا اصبر

تسلم يا هوبه علي الموضوع ده ربنا يرزقنا الازواج الصالحين ويبعد عننا الشك وخلاص الواحد بعد كده يحرص من الرجاله ولا ايه

يارب ارزقني بزوجه صالحه

وتشيل منها التفكير ده

حلوه قوى المعلومات دى يا بوبه يا قمر بس انا لي رأى تانى ان شاء الله اطبقه لما ارتبط
انى اسيب خطيبى او جوزى يعمل اللى نفسه فيه لانه ف الاخر يعنى هيلف يلف ويرجعلى تانى وكمان لان دا ف الاخر هيعرفه قيمه اللى معاه

و الله البنات بتشك في الرجاله حتي لو ماشيين علي العجين

شكرا يا هبة على الموضوع
انا معاك فى كل كلمة انت قلتيها
بس دا جانب واحد فقط
واعتقد ان فية جوانب حلوة كتير