الملوخيه بالجمبرى

الملوخيه بالجمبرى على الطريقة الداراويش
هما طريقتين الاولى :-1- نحضر نصف كيلو الملوخيه كالعاده و نخرطها و معاها قرن فلفل
2- نحضر نصف كيلوا جمبرى مش كبير لاحجمه مثل حجم الصباع الصغير فى ايدك (البنصر )
نشطف الجمبرى بميه ثم نقشره و نغسله بماء و ملح (ملعقه صغيره) ثم نشطفه جيدا
3- نضع 3 اكواب ماء فى حله الى ان يغلى ثم نضع الجمبرى و ملح على حسب الحدق اللى انتى عايزاه ثم رشه كمون
4- عندنا يستوى الجمبرى ناخذ نصف الشوربه على جنب ثم نضع الملوخيه و نقلبها و نزود لها من الشوربه اللى شلناها على حسب احتياجها حتى تصبح جيده القوام
5- نعملها التقليه العاديه ثوم وكزبره ونحمر التقليه كويس و نضعها على الملوخيه و تصبح جاهزه

الطريقه الثانيه :- نجهز الملوخيه و الجمبرى ثم نفرم بصله صغيره مع فصين ثوم و نض اثوم و البصل فى الحله مع حبة زيت مقدار ملىء فنجان و نشوحهم كويس ثم نضيف عصير 3 طماطميات ثم نقلبها لمده 10 دقائق ثم نضع الجمبرى عليهم و نقلبه ونهدى النار حتى تستوى الطماطم قليلا ثم نضع عدد 3 كوب ماء ونتركه ليغلى مع مراعاة ظبط الملح
بعد كده هننقص الشوربه على جنب و نضع الملوخيه و نظبط قوامها زى الشرح الاول ثم نحط عليها التقليه زى العادى
ملحوظه:- عند وضع البصل و الثوم نضضع عليهم كمون و قليل من البهار

الله عليكى يا هوبة تحيا اسماعيلية وناسها انا حعملها وابقا اقلك طعمها بس اكيد روعة تسلم ايدك

أن شاء الله هتكون جميله علشان الاكل بيعتمد مش على الشطاره لا على النفس و اكيد انتى نفسك حلو فى الاكل

انا مش عارفة ازاى الملوخية مع الجمبرى بس اجرب
شكرا يا جميل