اول حاجة جبتهالكم البطاطس الفرسكس تحفة
وححاول اجيبلكم طريقة الصوص بتاعها


المقادير:
بطاطس+كوب دقيق+ 2 ملعقة كبيرة بيكنج بودر+ نصف ملعقه فلفل احمر+ ملعقة كركم ملح
الطريقة:

تقطع البطاطس صوابع ثم تخلط بالدقيق والبودر والفلفل والكركم والملح مع قليل من الماء حتى تلتصق بالبطاطس تترك نصف ساعة ثم تقلى وبالهنا والشفا

انا حجربها دلوقتي ونشوف


ودي كمان حلقات البصل بتاعتة حلوة


=============
طريقة عمل حلقات البصل من احد المطاعم المشهورة " مطعم كوك دور "

Onion Rings





المقادير:
من 4-6 حبات بصل
كوب دقيق
كوب حليب
2 و نصف ملعقة صغيرة بيكنج باودر
ملعقة و نصف صغيرة سكر
2 ملعقة طعام ملح مخلوط بالتوابل تجديه في أي سوبرماركت
ربع ملعقة صغيرة ثوم بودرة
المكون الأخير واللي راح تستغربوه علبة بيرة بس طبعا بدون كحول ورأي بصراحة لم اجرب هذه الطريقة جربتها بالطرق العادية وكانت لذيذة فالأمر اختياري ممكن استبدالها بالحليب أو الماء




الطريقة :
نقطع البصل ونضعه في الثلاجة لمدة يوم حتى يصبح سهل فصل الحلقات عن بعض
نغطس حلقات البصل في الحليب ثم الدقيق حتى تتغطى جيدا
ثم بعد ذلك نخلط بقية المكونات جيدا من ضمنها حتى تصبح ثقيلة كالكريمة نسخن الزيت الحار ونغمس حلقات البصل ثم نضعها في المقلاة الشبك إذا وجدت لمدة 10 ثواني ثم نرفعها ونفرق حلقات البصل عن بعضها لو التصقت ونضعها مرة أخرى بالزيت لمدة 3 دقائق الى ان تصبح ذهبية اللون نضعها على و رق خاص لامتصاص الزيت و نرش عليها قليل من الملح وتقدم فورا....

حاسة يا ايمان انك واخدة توكيل أمريكانا بس ميرسى يا قمر على تسريب الوصفات مش حبلغهم
سرك فى حفرة مش فى بير
هههههه

ههههههههههههههههههههههههههه اوعى خلى السر فى بير ليمسكونى

الله عليكى يا ايمى
انا بموت ف حلقات البصل جدااااااااااااااااااااااا

تسلمى ياقمر على المرور انا فى الخدمة

الف شكر يا قمر

شكراً يا إيمان .. بس بصراحة يا إيمان أول مرة أشوف وصفة ليكي مش واضحة .. بالنسبة لطريقة عمل حلقات البطاطس انا مش فاهم الجزء الأخير اللي في الطريقة مش المقادير .. ممكن تعيديه بس بطريقة مفصلة شوية عشان انا توهت .

وعلى فكرة يا لوليتا .. كوك دور مش أمريكانا .. كوك دور وماك دونالدز ومؤمن دول كل واحد فيهم حاجة مستقله لوحده .. انما أمريكانا بقى يعني ( كنتاكي - بيتزا هت - هارديز - تاكو بيل - تشيكوس تاركوس - دجاج تكا - حلو الصمدي ... وحاجات تانية كتير ) .

عنية يا وسيم يعنى تجيب البصل وتقطعة حلقات وتحطة فى التلاجة شوية علشان لما تيجى تفصل الحلقات عن بعضها يبقا سهل وانت بتفصلة وباعدين تجيب طبق فية شوية حليب وطبق فية شوية دقيق وتحط حلقات البصل فى الحليب وباعدين تغمسة بالدقيق ولما تخلص مقدار البصل كلة تحط الحليب على الدقيق بحيث يكون زى الكريمة تقيل وباعدين نحط حلقات البصل تانى فى الخلطة دى وتقليها فى الزيت نص قلية وباعدين ترجع تقليها تانى لو عايز تقليها مرة واحدة عادى ويا رب اكون وصلتلك المعلومة

وصلت وألف شكر .