اولا احب اقدم لكم بسبوسة والله العظيم احسن من الجاهزة مليون مرة وانا دايما اعملها وضيوفى بيعجبوا بيها جدا جدا ودايما ياخدوا منى المقادير والوصفة فا حبيت اقلهلكم ومش حتندموا لما تعملوها واللى تعملها تبقى تقولى اية رايها اولا. ( المقادير):2 كوب سميد خشن ويا ريت يكون سميد امريكانا الخشن انا دايما استعملة او اى نوع سميد بس يكون خشن والسميد هو دقيق البسبوسة+اكوب سكر+1كوب جوز هند+2 ملعقة كبيرة بيكنج بودر+علبة قيمر او قشطة حوالى 250 جرام+4 ملاعق سمن+اكوب حليب بس لازم يكون بودرة مينفعش نستبدلة بالحليب لازم يكون بودرة ( الطريقة):اولا نجيب الحليب الودرة ونضع علية ماء بحيث يكون اللبن تقيل جدا وتكون كوب واحد بس يعنى مش تكترىونجيب السميد ونضع علية البيكنج بودر والسكر وجوز الهند والسمن ونقلبهم ونضع عليها القيمر او القشطة والحليب ونقلبهم مع بعض ونضعهم فى صينية متوسطة مدهونة بالسمن ونضعها فى الفرن على درجة حرارة عادية حتى تحمر من تحت وتفتحى عليها الشواية تتحمر من فوق وتسكبى عليها العسل او الشيرة وهى سخنة وبالهناء والشفاء (ملحوظة ) مقادير العسل او الشيرة 2 كوب سكر +كوب ونص ماء +نص ليمونة معصورة ونتركهم على النار قيمة 10 دقايق بعد الغليان ونطفى عليهم ونضع عليهم فانيليا ونضعها على البسبوسة علطول او ما تتحمروهى سخنة

رغم إني ماليش في المطبخ ولا في الطبيخ إلا إني طبعاً ليه في الأكل .. خصوصاً الحلويات .. أنا نقلت الطريقة في ورقة للمدام وهي في المطبخ حالياً وجاري التجربة .... بجد شكلها هايطلع حلو وهادعيلك ... مشكورة إيمان على الوصفات الهايلة .

شكرا على ردودكم الجميلة ويارب تجربوها وتعجبكم

ثتي عملتلي بثبوثة بالثمنة والثكر بث يا خثارة طلعت ثخنة لثعتلي لثاني .
تم التجربة وبالحليب منزوع الدسم مش باللبن البودرة عشان أنا مش باعترف بيه والنتيجة ممتازة والطعم جنان تسلم إيدك وإيدين مراتي .. ويا بخت جوزك بيكي زمانه غرقان في البسبوسة زيي .

بالهناء والشفاء بس انا اول مرة اعرف ان بالحليب حتبقا حلوة حجربها بالحيب العادى وتسلم ايد مراتك كنت عايزة ادوق حتة

تسلم ايدك يا ايمى

تسلمى يا قمر