بصراحة انا تنقلت بين منتديات كتيرة ولم اجد مجموعة عمل قائمة على الخوف على النتدى بهذه الصورة
المنتدى جميل جدا والمشرفين فى غاية النشاط والهمة واللة يعطيكم الف عافية وتسلم يا نجم

شكراً يا رشاد على تفاعلك الدائم في الموقع .

يعني مافيش فايدة ولا ايه .. ؟؟ .. يا جماعة قولنا مانكتفيش بالتصويت .. في 4 دخلوا صوتوا بس في الإستفتاء وماقالوش رأيهم وماردوش .. طب اللي قال الموقع ممتاز واللي قال موقعي المفضل ماشي .. بس اللي قال محتاج للتجديد ده ماردش ليه .. مش تقول ياعم عاوز تجدد إيه عشان نجدده ... قولوا رأيكم يا جماعة .. أنا تعبت .

عزيزي اسامة أنا حاكتبلك رأي بس مستنى لما اشوف الباقى حيقول ايه -ماشي

اسف ان الرسالة بتاعتى نقصت كلمتين والمفروض انى اكتب عزيزى وسيم أنا أسامة و........والباقى زي ماهو

وأنا منتظر رأيك يا أسامة .

الظاهر ان فعلا ماحدش ناوى يكتب حاجة ودى حاجة أنا حاتكلم عليها.
انا أولا باعتذر لو فيه اخطاء املائية لان الكومبيوتر(لاب توب) بتاعى مش من هنا والمفاتبيح ماعليهاش الحروف بالعربى - أولا أنا حاكون صريح معاك فى كل حاجة وده اللى انت عايزة :
1) أن نوعية الافلام اللى بتحمل على السايت بتاعك اوقات كتيرة حدا بتبقى مستواها كصوت وصورة ضعيف جداَ وده طبعا بسبب اللى بيصورها ومن السنما ودخ طبعا مابيقللش المجهود اللى بذله - لكن فيه اعضاء كتير بيبقى النت عندهم ليه مساحة معينة من الداونلود فبعد مايستعملها فى تنزيل الفيلم يكتشف انه مش ناقع للعرض- فارجو انه قبل مايوضع الفيلم انه يتعرض على حد فى السايت علشان يحد جوودته .
2) ضعف الجزا الخاص بالاغانى والكليبات وبالتالى السايت بتاعى لن يغنى عن احتياجنا للاشتراك فى سايت اخرى- فياريت يزداد الاهتمام به شوية.
3) الايكونز المستعملى بتلخبظ - يعنى ايه الفرق بين "رد على موضوع " و"اقتباس - واساسا كلمة اقتباس هنا لاتحمل المعنى المقصود منه لآن كلمة اقتباس تعنى مثلا اقتباس فيلم من قصة فيلم اجنبى - فارجو توضيع هذه النقظة ز
4) ان يكون على العضو ان يكتب "اقتباس" قبل ان يحمل الفيلم أو غيره وأنا فى ر\اي ان دى حاجة المفروض تكون اختيارى مش اجبارى
5) ماهى نقاظ السمعة وعلى أى اساس بتم احتسابها
هذه فقط كجرد نقط قد يكون هناك اكثر - ارجو الا اكون اكثرت من الكلام - ولكن هدفى هو المصلحة كما طلبت وشكرا

اللهم اكفينا شر انفسنا

دعاء يكرهه الشيطان

ورد فى الاثر عن الامام محمد بن واسع انه كان يدعوا الله كل يوم بدعاء خاص -- فجائه شيطان وقال له يا امام أعاهدك انى لن أوسوس لك ابدا ولم آتيك ولن أمرك

بمعصيه ولكن! بشرط ان لاتدعوا الله بهذا الدعاء ولا تعلمه لاحد فقال له الامام كلا -- ساعلمه لكل من قابلت وافعل ما شئت هل تريد معرفه هذا الدعاء ؟؟؟؟ :كان يدعوا فيقول اللهم انك سلطت علينا عدوا عليما بعيوبنا - يرانا هو وقبيله من حيث لانراهم -- اللهم آيسه منا كما آيستـه من رحمتك وقنطه منا كما قنطـته من عـفوك وباعد بيننا وبينه كما باعدت بينه وبين جنتك ورحمتك

انا اسف اوي لما اقول انه كان ومازال موقعي المفضل لكن للأسف بقي موقع ممل جدا
يار يت نرجع زي زمان
wama4love

بصراحة ياجماعة الموقع جيد وجميل بس محتاج للتجديد وخصوصا غلاف او مجلة الموقع لازم يكون فيه مجلة علشان الزوار الجدد المدعويين والاعضاء ولو فيه مجلة لازم تتطور ويبقى كل قسم له مجلة مثل المنتديات الاخرى واحسن كمان

Transpar

بصــراحة الموقع كان المفضل لى لكن أصبح به تعقيدات لذا يلزم الأتى:
[list=1][*] يلزم جهد كبير لجذب الزائرين وأغرائهم لتبادل المعلومات

يلزم تزويد الموقع بمعلومات وعمل قاعدة معلومات يصعب تركها او ترك الموقع

الموقع جميل جد بس في نقطة انا عضو جديد تعبت جدا عشان اسجل فيه
عشان كده رجاء ممكن تسهله حكاية التسجيل شوية هي دي النقطة الوحيدة اللي فيها كلام وممكن تزودو حصرياتكم لاأني شايف ان أكتر حاجة في المنتدى مهتم بيها هي الأفلام العربي السينما
ولو الموضوع ده اطور ممكن يزيد من جمال الموقع ويبقى 10/10

عزيزي أسامة : إسمحلي أرد على كلامك نقطة نقطة .
1- كل فيلم بينزل على الموقع بيكون مرفق معاه سكرين شوت للفيلم واللي بيبين مستوى الصورة بتاعة الفيلم .. وبعدين اللي بينزل فيلم وهو عارف انه تصوير سينما لازم يكون متوقع ضعف الصورة وإنها أكيد مش زي الدي في دي ... لأن الأفلام الدي في دي ليها قسم خاص بيها .. وأول ما بتتوفر نسخة من الفيلم أفضل من السابقة بيتم استبدالها فوراً .. ده غير التعليق اللي مصحوب للموضوع زي ( نسخة متوسطة الصورة - نسخة جيدة - نسخة ممتازة - قريب جداً من الدي في دي - الصورة ضعيفة لكن الصوت ممتاز ... إلخ ) .
كل دي حاجات ممكن تحدد منها مستوى الفيلم قبل ما تنزله .. ونادراً جداً لما يكون في فيلم مش بالمواصفات دي .
وغلباً لو وجد بيكون منقول ومش من أعمال الموقع ... وده طبعاً بيكون مكتوب في الموضوع ... يعني إسمحلي النقطة الأولى اللي اتكلمت فيها مش سليمة .. وأرجو ان المعلومة كده تكون وضحت .

2- نقطة ضعف الجزء الخاص بالاغانى والكليبات دي أنا معاك فيها .. لكن هانعمل ايه .. إحنا في الآخر عددنا محدود .. وإحنا عشان كده بنناشد الأعضاء يساعدونا .. إحنا فتحنا باب النقل للأعضاء لكن محدش استجاب .. وعموماً أنا أوعدك بالإهتمام بالقسم ده شوية أكتر من كده إنت تأمر وطلبات الأعضاء أوامر .. بس حاول تتخيل الوقت اللي انا قضيته عشان ارد عليك انت بس قد ايه .. وكل واحد غيرك برد عليه .. دي مسؤليه كبيرة برضه ولو ماعملتش ده الناس هاتقول عليا مهمل .. عشان كده أنا بقول إيد لوحدها ماتسقفش .. وباطلب من أي عضو شايف في نفسه المواصفات الكافية للإشراف إنه يرشح نفسه في قسم الترشيحات المخصص لده في الموقع .. وإحنا بنرحب بأي مشاركات ليك في قسم الكليبات والأغاني بس بشرط تحويل الروابط .
وده الرابط بتاع طلبات الترشيح :
http://egyptian-scorpion.info/montada-f72/topic-t6266-30.htm#185245

3- الأزرار ما تلخبطش ولا حاجة يا أستاذ أسامة .. إنت بس اللي مافهمتش إستخدام كل واحد فيهم .. وده بيفسر إستخدامك المستمر لخاصية الإقتباس بدون داعي واللي بيخالف لشروط وقوانين الموقع واللي مأثر على نقاط السمعة بتاعتك واللي ممكن يعرض اي عضو لحذف عضويته .
والفرق بينهم واضح وهو ان زر الرد على موضوع بيستخدم عندما تود الرد على موضوع أحد الأعضاء سواء بالشكر أو بالتعليق أو الرد على سؤال إذا كان الموضوع يتضمن سؤال .. أياً كان نوع الرد فهو في كل الحالات رد على الموضوع الأصلي .. وهنا يجب استخدام زر الرد فقط .
أما زر الإقتباس وهو واضح من الإسم تمام الوضوح يستخدم في حالة الرد أو التعليق على أحد الردود .. فمثلاً في مواضيع بتحتوي على أكثر من 90 صفحة .. إفرض مثلاً إنك عايز تعلق على رد ما في الصفحة رقم 4 بينما وصل عدد صفحات الموضوع إلى 12 صفحة .. في هذه الحالة ردك هايظهر في صفحة 12 لأن الردود تظهر تباعاً حسب تاريخ الرد .. وفي هذه الحالة الناس مش هاتفهم انت بتتكلم على ايه وممكن يكون الرد مش واضح .. عشان كده ممكن تستخدم خاصية الإقتباس لإقتباس كل أو جزء من الرد اللي بتعلق عليه عشان لما تكتب ردك بعده يكون واضح انت بتتكلم عن ايه بالظبط .. والموضوع لا يمت بصلة للأفلام ... وده مثال للكلام اللي بقوله :

Osama كتب:

3) الايكونز المستعملى بتلخبظ - يعنى ايه الفرق بين "رد على موضوع " و"اقتباس - واساسا كلمة اقتباس هنا لاتحمل المعنى المقصود منه لآن كلمة اقتباس تعنى مثلا اقتباس فيلم من قصة فيلم اجنبى - فارجو توضيع هذه النقظة ز

وفي الحالة دي الإقتباس بيحدد الكلام اللي انت عاوز تعلق عليه وبيحدد مين اللي قاله عشان تعليقك يكون واضح ومفهوم .. أرجو إن المعلومة دي كمان تكون وصلت .

4- ليس على العضو إطلاقاً الإقتباس قبل تحميل الفيلم .. راجع الموضوع التالي :
http://egyptian-scorpion.info/montada-f63/topic-t6598.htm

ولكن المطلوب تحديداً إنك ترد ولو بكلمة شكراً .. يعني أربع حروف مش أكتر .. يعني حتى الشكر الناس بتستخسره .. لازم تفيد الموقع بحاجة زي ما بتستفيد منه وردك ده اللي ممكن يكون من اربع حروف بس بيفيد الموقع .. شوف بقى يا عم انا عشان أرد عليك انت لوحدك كتبت كام حرف .. يبقى برضه لما نعملك فيلم ما نستاهلش كلمة شكراً ... صدقني لو ماعملناش كده ولا في حد هايرد ولا حد هايسجل على الموقع أساساً لأنه مش محتاج يسجل ما دام الروابط ظاهرة قدامه هايخمل اللي هو عايزه ويمشي .. لكن إحنا بنميزك عن غيرك لأنك عضو وسجلت معانا عشان كده لازم شرط الرد عشان تحمل الفيلم عشان نعرف انك عضو .. لأن الزائر مش هايعرف يرد إلا لو سجل ... أرجو تكون المعلومة دي برضه وصلت .

5- نقاط السمعة دي بتزيد كل ما كانت إسهاماتك جيدة في الموقع .. وبتقل لو العكس صحيح أو لو عملت مخالفات .
وكل ما مشرف يشوف مخالفة ليك المفروض يعملك حاجة إسمها تقييم سلبي .. ولو ليك مشاركة جيدة يعملك تقييم إيجابي وده بيأثر على نقاط السمعة بالسلب والإيجاب طبعاً ... ده غير إنك لو عملت موضوع في الموقع .. وده للأسف ماحصلش لحد دلوقتي .. هاتظهر عندك في موضوعك كلمة الشكر .. وده زر آخر بيظهر بجانب زر الإقتباس ... وده ممكن تشكر بيه عضو عجبك الرد بتاعه على موضوعك .. وده بيمنحه نقطة من نقاط السمعة .. ولو حد شكرك بنفس الطريقة هاتاخد نقطة سمعة انت كمان ... والشكر مسموح مرة واحدة بس لكل موضوع ... يارب تكون النقطة دي وصلت برضه .

وأخيراً أرجو أن أكون وفقت في الرد على نقاطك الخمسة ولو في أي إستفسار آخر أنا تحت أمرك وجاهز للتوضيح .. ولو عندك أكثر ساكت ليه .. هات ما عندك وخلينا نتناقش ونفتح باب الحوار .. والمهم المصلحة العامة زي ما قولت وشكراً ليك على مساهمتك وإنت كده أثبت إنك عضو فعال بس مش ناقص غير إنك تبدأ تشارك بمواضيع .

الأخ فرفر .. كلامك جميل وده موضوع هايل .. بس مش فاهم إيه علاقته بالموضوع المطروح ... مش نكون عمليين شوية بقى يا جماعة .. فين رأيك في الكلام اللي قولته .. أنا عادة في الحالات اللي زي دي لما بيكون الرد غير مناسب للموضوع باعمل تقييم سيء لصاحب الرد .. لكن محتوى الرد منعني حتى من كده كمان ... يا ريت تقولنا رأيك بموضوعية ونكون شاكرين ليك .. وأنا باشكرك على أي حال .. على الأقل اللي رد أحسن من اللي ماردش حتى لو كان الرد مالوش علاقة بالموضوع .

أخي كريم عطية .. كلامك بيدل على إنك شخص وفي .. لأنك بتقول إنه مازال موقعك المفضل على الرغم من إنك شايف إنه أصبح ممل .. بس إنت نسيت تقول بالظبط ليه ؟؟
هو ده اللي انا عايز اعرفه .. ليييييييييه ؟؟؟؟؟؟
وإيه اللي كان بيحصل زمان ومش بيحصل دلوقتي وانت عايز ترجعه .. ممكن توضح أكتر ولو عندك إقتراحات تقولها عشان ننفذها لو في الإمكان ولو عندك منتقدات نزيلها لو في الإمكان برضه .
أرجو الرد لأن ده اللي أنا عوز اعرفه .. عاوز أعرف الموقع بقى ممل في ايه بالنسبالك .
وشكراً ليك .

الأخ mrhoda
أعتقد أن العقرب المصري بنفسه رد عليك الرد الكافي ... وإنت عضو جيد ومساهم ونشيط وفعال ومبشر بالخير .

أخي تامر

إنت ليك ردين .. واحد مش مفهوم ... والتاني محتاج توضيح .. ممكن توضح بالظبط إيه المقصود بالتعقيدات وأنا أوعدك نحاول نبسطها لو في إمكانية لكده .
وبالنسبة لجذب الزائرين أدينا بنحاول على قد ما نقدر .. ده إحنا بنعاني في جذب الأعضاء ما بالك بالزائرين .
وبالنسبة للمعلومات فالموقع مليء بالمعلومات والمواضيع المفيدة والجيدة اللي محدش بيبص عليها ولا بيدخلها .. فإذا كان الموجود مهمل فما الداعي للزيادة .. عشان يهمل هو كمان .. مش لازم تشجعونا ونحس ان في اهتمام منكم عشان نزودلكم قاعدة البيانات ... كله بيدخل يحمل أفلام ويمشي ومافيش حد بيهتم بباقي أقسام الموقع المليء والذاخر بالمواضيع الأخرى الجيدة ... ومع ذلك فإنت برضه طلباتك أوامر .. بما انك عضو في الموقع فإنت تأمر وإحنا ننفذ .. وأوعدك هاعمل على توسيع وتكبير وزيادة قاعدة المعلومات ... وكبداية فقد تم إفتتاح قسم جديد بالموقع وهو ( مكتبة العقرب المصري ) وهو خاص بالكتب الإلكترونية .
شكراً لك على مساهمتك بالرأي وفي انتظار المزيد من الإقتراحات .

الأخ غلاب مشكور على المشاركة .. وأوعدك ان شاء الله بالعمل بنصيحتك وجاري العمل على زيادة حصريات الموقع .

اولا السلام عليكم ورحمة الله و بركاته اخوانى واخواتى فى بيتنا الثانى موقع العقرب المصرى
اود ان اعلق على بضع الاشياء لان رأى كما قرأتم فإن الموقع هو بيتى الثانى
أولا أنا أعترض و بشده على نقاط السمعه لسببين :1- ان ممكن عضو يكون متضايق من عضو أخر لسبب ما فيعطيه سالب لنقاط السمعه و يظلمه
2- أن يكون فيه عضوين أصحاب فكل واحد يعطى للاخر نقاط سمعه كثيره و هم لايستحقوها
فارجاء أن يكون تقييم نقاط السمعه من قبل أدارة الموقع و على أساس نشاط وسلوك العضو على أن تمسح كل نقاط السابقه لكل عضو
ثانيا البعض يقول أن الموقع أصبح على غير المعتاد لان السبب يرجع لاننا هجرنا الموقع و أصبحنا لا نعطيه حقه
الكل يفكر ماذا سوف أخذ من الوقع ولا يفكر كيف يفيد الموقع و الأخرين
شكرا

اشكرك الحمد لله كلنا رجعنا

بصراحة أنا شايفة إن الموقع ممتاز بس في ناس بتبذل مجهود فيه أكتر من اللازم وناس مش بتبذل مجهود خالص
أنا باقترح إن كل عضو يكون ليه حد أدنى من المساهمات كل فترة معينة وإلا يتم طرده من الموقع .. يعني مثلاً كل عضو لازم يكون ليه موضوع وخمس ردود أو 10 ردود على الأقل كل 3 شهور .

الموقع بدء يرجع من تانى

لو انت حاسس بكده فعلاً يبقى ده شيء مبشر بالخير .. ربنا يطمن قلبك .

طول مالموقع فيه ناس زيك يا وسيم انت وهبه وايمان وناس كتير طبعا علشان منساش حد يبقي انشاء الله حيبقي ميه ميه واحسن موقع كمان ربنا يوفقكم يارب

على فكرة إنتي واحدة من الناس اللي بتتكلمي عليهم دول يا أماني .

شكرا يا وسيم وانشاء الله ابقي عند حسن ظنكم

ياااااااااااااااااه
انا بصراحة كده حاسس انى ماليش لازمة فى الموضوع
انا عايزكم ترفعوا روحى المعنوية حبتين تلاتة كده
هو انا مشرف اونطة ولا يكونش بمسح عربيات
انا عايزكم تظبطونى حب - ردود حتى لو تفيته فى وشى هافرح والله

انتي دائماً عند حسن ظننا يا أماني ... وباتمنالك كل التوفيق من قلبي في الإشراف .

ليه بس يا حودة .. إنت واحد من أنشط الأعضاء وأكفأ المشرفين في الموقع .. وانا بديلك كل الإحترام والتقدير .. وانت على راسنا من فوق ياباشا .

الموقع جميل وشيق وفيها حاجات مفيدة كتير وانا عن نفسي بحبه وشايفه اني هو في كل حاجة ومش محتاج حاجة واهم حاجة وجودكم فيه والشكر ليكم جميعا علي تعبكم

انا شايفه ان الموقع مش محتاج الاعضاء الغير فعالين فيه
واللى عاوزين ياخدوا من الموقع وبس
ومبيفكروش مجرد تفكير انهم يردوا على اى موضوع الا اذا كان الرد اجبارى لاظهار الروابط
يعنى حتى مفيش تقدير للمجهود المبذول
فالعقرب المصرى من اقوى المواقع واكبرها واجودها
سواء شاركوا فيه ام لا
وايضااااا هناك اعضاء من انشط ما يكون
والموقع يفتخر بهم
وعلى المستوى الانسانى هم مناجمل ما يكون وطبعاااا هم معروفين كويس جدااااا
وشكرااااااا

شكراً على ردودكم وتفاعلكم مع الموضوع .

حلوه الاراء والمشاركه بالاراء جميله جدا ويارب يكون احسن موقع

مفيش ولا اختيار اصوت لية بس الاختيار اللى المفروض انو يبئى موجود هو انو الموقع بيضم عدد كبير من الاعضاء اللى بجد عاملين زى الاسرة الواحدة وكتير بيحبوا بعض ودا طبعا باين من الردود الرائعة والمواضيع الممتازة واراء كل عضو فى العضو الاخر كان ممكن يبئى مثلا فى اختيار حب واحترام الاعضاء لبعضهم البعض فى المنتدى دا انا كنت هصوت لية كتيييييييييييييييير
ولا اية رايكوا