السلام عليكم ورحمه الله وبركاته
ارجو من الله انى اسعدكم بموضوعى هو عن النكت لو موافيقين وعايزينى استمر ارجو تعليقكم على الموضوع

انا عايزه شيكا اول واحده تعلق عن الموضوع ده هههههههههههههههههههه

وعلشان متقولوش انى بضحك عليكم ادى عينه من النكت
بخيل راح يزور امه فى المستشفى لقى مكتوب على الباب(ادفع) قال
ربنا يشفيها ابقى اشوفها لما ترجع البيت..

شكرا

واحد قبل ما يموت جمع ولادة التلاتة وحب يوصيهم

يفضلوا ايد واحدة واعطى لكبيرهم عود خشب كسره بسهولة اعطاه اثنين كسرهم بسهولة اعطاه خمسين عود كسرهم بسهولة قالهم طالما معاكم البغل ده مفيش خوف عليكم

ههههههههههههه جميله اوى
وشكرا على دخولكم وتعليقكم
انتظروا الجديد

تسلمى يانور نكت جميلة منك

شكرا

مره واحد محمل فراخ وهوه معدي علي كمين سالوه الظابط محمل ايه قالو فراخ
يابيه قالو بتاكلهم ايه رد عليه السواق باكلهم علف ودره ام الظابط لا
الفراخ مايكلوش علف و دره دول بيكلو لانشون وبسطرمه وراح عملو مخالفه
غالسواق بعد مامشي جه عالكمين التاني فالظابط بيسالو محمل ايه قالو فراخ
يا باشا قالو بتاكلهم ايه قالو لانشون و بسطرمه قالو ازاي الفراخ بتاكل
دره وعلف مش لانشون وبسطرمه وراح عملو مخا لفه وبعد السواق مامشي وجه
عالكمين التالت فالظابط بيسالو محمل ايه يا اسطي قالو فراخ يا باشا قلو
بتاكلهم ايه بص يا باشا انا بدي كل فرخه نص جنيه وهيه تاكل اللي علي مزجها

في المدرسه استاذ الحساب بيسال التلميذ بتاعه: لو باباك استلف الف جنيه من
البنك والف جنيه تانيه من جاركم يبقى هيرجع كام الف، التلميذ: مش هيرجع
حاجه يا استاذ ، الاستاذ: ياابني استلف الف وبعديها الف تانيه التلميذ :
مش هيرجع حاجه يا استاذ، الاستاذ: اقعد يا ابني انت متعرفش حاجه في
الحساب، التلميذ: انت اللي متعرفش ابويا يا استاذ

ههههههههههههه جامدة يانور

المره دى شكرا هههههههههه

مرة تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب

توأم بيقول لأخوه التوأم وهو متنرفز إنت كنت فين ياعم أمك حمتنى مرتين

تلميذ أحول بيكتب حلو قوى ..ولكن فى كراسة زميله ..الأبلة قالتله لو ركزت
وكتبت فى كراستك هاديلك هدية حلوة ..فكتب فى كراسته ..راحت الأبله ادته
بسكوتة فتحها واكلها للى جنبه

نشتغل فى المساطيل شويه
مرة واحد مسطول مروح البيت وبقالو ساعة مش عارف يفتح الباب مراتة من
البلكونة بتقولو ارميلك المفتاح قالها لا المفتاح معاية ارميلى خرم الباب

ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه
يا باشا، وبتاجر فيه كمان؟ قاله ايوه ، تاني يوم اتعرض على النيابة سأله
وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا
بيه قاله ليه قلت للظابط كده؟ قاله كنت مسطول يا بيه

هههههههههههههههههههههههههه

نظرية مسطوول: العلم نور والنور كهربة والكهربة خطر يبقى بنتعلم لية؟!

مره اتنين مساطيل مشين فلقوا واحد مرمى على الارض فالمسطول الاول بيقول
للمسطول التانى مش ده طارق قال له اه قاله مش ده بيته قاله اه قاله طب
بينا نطلعه قاله ماشى فالاول بيقول للتانى مش دى شقته قاله اه قاله مش دى
أوضته قاله اه قاله طيب ارمى وبعدين نزلوا تانى فلقوه برده مرمى فالاول
قال للتانى مش ده طارق قاله اه قاله مش احنا طلعنا قاله اه قاله طب بينا
نطلعه قال له بينا فسالوا البواب مش ده طارق قال لهم اه فخدوه معاهم
البواب فقالوا مش دى شقته قالهم اه مش دى أوضته قال لهم لا دى البالكونه

مره واحد مسطول امه بتصحيه وبتقوله قوم يابنى الشمس طلعت قالها دخليها وقفلى الباب وراكى

مره واحد سرق فرخه وراح عند البحر نضفها وكلها جه الضابط وقاله انت سرقت
الفرخه قاله لا يا باشا قاله الضابط والريش ده؟ قاله دى نزلت تستحمى و
قالتلى اخلى بالى من الهدوم

شكرا

واحد غبي عنده ارق ومش عارف ينام....قال له صاحبه عندي لك طريقة للنوم
مؤكدة...عد من واحد الى خمسميه... أخونا مكدبش خبر... وأول ما الدنيا ليلت
راح للسرير وبدا يعد .. واحد .. اثنين .. ولما وصـل الى ميه وتسعة وتسعين
...كبس عليه النوم … قـام جري غـسـل وشه ورجــع للـسـريـر يـكـمـل الـعـد

مرة واحد غبى ماشى فى الشارع لقى قرد مشي بيه قابل عسكرى مرور سألوا اودى
القرد ده فين العسكرى قال له ودىه جنينة الحيوان تانى يوم معدى بالقرد
العسكرى قال له مش قلتلك وديه جنينة الحيوان قال له ما أنا وديته امبارح ،
النهاردة بقى هاوديه السينما

مره قرية كلها أغبيا كان فيها حفره كل يوم واحد يقع فيها عملوا مجلس علشان
يشوفوا حل للحفره دي قام واحد وقال يا جماعه احنا نحط عربية اسعاف جنب
الحفره علشان المصابين يتنقلوا بسرعه قام التاني قال احنا نبني مستشفى جنب
الحفره علشان يتنقلوا أسرع قام التالت قالهم يا جامعه انتوا مغلبين نفسكم
ليه احنا نردم الحفرة دي ..ونحفر واحدة تانية جنب المستشفى



وجهه نظر برضه

مرة واحد قابل واحد اخنف فسالة قالة "انت بتشتغل اية؟" فرد علية الاخنف
وقالة "فننان" قالة "يعنى بتغنى" فرد الاخنف "فننان" فرد الاخنف "فننان"
قالة الراجل "يعنى اية بتمثل؟" يعنى فرد الاخنف قالة "لا فننان يعنى بحت
العيش فى الفن"

مرة اتنين اصحاب بيقولو ابعض تصدق انا الخدام بتاعى غبى اوى فالتانى قالوه
لا ده انا الخدام بتاعى اغبى فقالوه الاولانى تعالى نشوف فجه الاول ونادى
الخدام بتاعه وقالوه خد الربع جنيه ده وروح اشترى ليه عربيه مرسيدس
والتانى نادى الخدام بتاعه وقالوه روح النادى وشوفنى هناك ولا لآ فراحوا
الخدامين و اتقبلو فى السكه فواحد منهم قال للتانى تصدق الراجل اللى انا
بشتغل عنده غبى اوى تصور بعتنى اشتريله عربيه و ما يعرفش ان انهارده الحد
والمحلات قافلة فالتانى قاله لا ده انا بشتغل عند واحد اغبى من بتاعك تصور
بعتنى النادى اشوفه هناك يعنى مش قادر يرفع سماعة التليفون و يسأل على نفسه

حلوه

معلش يا نور انى مكنتش اول حد يرد عليكى بس بجد جامدين منك وكملى ومستنيين منك الجديد مش القديم ومرسية خالص

يا ريت يا نور متبعتيش حاجة تانى على الياهو علشان كل النكت انا عارفاها منك
خليها هنا مفاجاة

بليييييييييييييييييز يا نور تقولى انتى بتجيبى النكت دية من نين
يا ريت الرد

شيكا كتب:

يا ريت يا نور متبعتيش حاجة تانى على الياهو علشان كل النكت انا عارفاها منك
خليها هنا مفاجاة

الحق عليا انى عايزاكى اول واحده تكونى عارفاها ماشى

شيكا كتب:

بليييييييييييييييييز يا نور تقولى انتى بتجيبى النكت دية من نين
يا ريت الرد

ملكيش دعوه هههههههههههه يعنى هكون بالفها اكيد استعرتها يعنى

بت ياشيكا اهدى شويه

ههدى يا بت يا نور
يا جماعة محضرلكم مجموعة صور للممثلين حلوين وهيعجبوكوا ان شاء الله
سورررررررررررررررى يا نورا انا مش بعمل اعلانات
ان شاء الله يكونوا موجو دين يوم الخميس اللى جاى ويا ريت الرد بتاعكوا

صحيح يا نور فين النكت خلصت ولا اية
عايزين تانى ولا انتى مش فاضية فى امتحانات ولا اية

لا هيا نوب تعبت بس مش اكتر وتلاقيها بتريح

شكرا على سؤالك ياشيكا لا هى مخلصتش بس انا كنت مشغوله شويه

اربعة أغبياء عملوا عملية اختطاف فخطفوا فتاه واوقفوا تاكسى فسائق
التاكسى قال:التاكسى ده اربعه راكب بس قاموا سابوا الفتاه وركبوا
هم

واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها

مرة واحد راكب حمار فبيعدى على بنزينة لقا ايه لقا ان العربيات كل ما
يتحطلها بنزين تطلع تجرى راح دخل البنزينة وقال للراجل حط للحمار عشرة لتر
بنزين عشان يجرى اول مالراجل حط للحمار بنزين طلع يجرى ويرفس ويتشنج وجرى
بعيد قام الراجل قاله حطلى انا بقى عشرين عشان الحقه

جماعه ارهابيين أغبياء حبوا يفرقعوا مدرسه حطوا القنبله فى الدور
الاول واستخبوا فى الدور التانى

مرة واحد مجنون كان بيكتب جواب فدخل الدكتور عليه قاله بتعمل ايه قاله
بكتب جواب لنفسي فراح الدكتور قاله بتكتب فيه ايه فرد عليه المجنون
يامجنون هو لسة جالي عشان اعرف

مرة واحد أحول عنده حمامة حولة حب يدخلها القفص حطها برة القفص جت هى تهرب راحت داخلة جوة القفص


فاكره ياشيكا مين اللى قالنا النكته دى اول واحد استاذ م.ش كانت تحفه منه

‎

واحد عصبي بيقول
لمراته هقولك حاجة غريبة
حصلت.. احتمال متصدقيهاش وتقولي عليا كداب بس
اهوه انتي اللي كدابه وستين
كدابة انتي واهلك كلهم ..يلا غوري علي بيت
ابوكي وانا هعصب نفسي ليه انتي
طالق بالتلاتة