شكرا يا تامر على تعليقك وكان نفسى الكل يشاركنا بالراى فى الموضوع

اصبر ده اول موضوع اعمل مواضيع فى جميع الأتجاهات والنواحى وشوف الأقبال هيبقى فى اى اتجاة وابتدى اعمل فيه انا فى مواضيع ليا محدش بيعبرها كمل وانا معاك ولو فى حاجة عاوزة ابعتلى

والله مش عارف يعني لو واحد اعمي يعمل ايه

أولاً : أنا سعيد جداً يارشاد إني شوفت موضوع ليك على الموقع .. إنت عارف انك حبيبي من أيام الجيزة .
ثانياً : أنا أعتقد إن الموضوع مش موضوع عين .. يعني مش لازم تشوفه .. كفاية يكون فيه تواصل .. كفاية تكلمة في التليفون .. كفاية تعمل معاه شات .. كفاية يجيلك منه جواب .. أو حتى رسالة على موبايلك .. وساعات ممكن تكون رنة كفاية عشان تحافظ على العلاقة في نفس المستوى وماتقلش المشاعر المتبادلة بين الطرفين .. مالم يكن أحدهم يرغب في ذلك ... المهم ان كل طرف يحس ان الطرف التاني فاكره ومهتم بيه .. ومش ناسيه ويفكر فيه ... هو ده لب الموضوع مش مسألة الرؤية .. وفي ناس بتغيب عن بيتها بالسنين بس بيكون في تواصل .. وبترجع تلاقي اللي كانوا بيحبوهم بيحبوهم أكتر من الأول .. ومن غير ما يشوفوا بعض .. كفاية جواب أو رنة زي ما قولت .
وطبعاً ده رأيي الشخصي فقط والله أعلم .

اولا : انا سعيد ان فية ناس تجاوبت مع الموضوع وشكرا على الرد
ثانيا :شكر خاص لصديقى وسيم الى جمل الموضوع بالرد علية والمشاركة فية
ثالثا : انا اعتقد ان الى بعيد عن العين فعلا بعيد عن القلب لان كم من الاصدقاء اللى صادقناهم خلال مرحلة الدراسة وارتبطنا بهم هم الان بعيدين عنا وفترت علاقتنا بهم وبالكاد يكون فية اتصال على فترات بعيدة او رنة بالموبايل بدون اى مشاعر واذا ارتبط اثنين عاطفيا يكفى البعد بينهم حتى تفتر العلاقة بينهم حتى الاقارب يكون الحب اكثر للاقارب المقربين منك اكثر من البعيدين عنك

ده صحيح يارشاد ... يبدوا إننا متفقين في الرأي لكن بنعبر بطريقة مختلفة .. أنا أقصد بالتواصل .. التواصل المستمر .. مش رنة كل فين وفين .. يعني أقول للطرف التاني على طول .. إنت في بالي .. هو ده اللي أقصده .. لكن الرنة كل فين وفين والمكالمات على فترات طويلة دي أكيد لازم تخلي أي علاقة تصاب بالفتور .
أنا كونت اقصد مش لازم عيني تقع عليه .. لكن اكلمه أو تيجيني منه رسالة حلوة على فترات متقاربة عشان يفضل التواصل موجود .. وباشكرك على إهتمامك بالرد والتفاعل معانا .. وبقولهالك تاني ( إنت حبيبي من أيام الجيزة )

صديقى وسيم شكرا على ردك مره اخرى واهتمامك بالموضوع

الشكر لله يا رشاد وأتمنى ان يكون مفهوم كلامي وصلك .. وللتعبير بصورة أجمل اليك بهذه الكلمات :

هل تعلم العلاقة بين عينيك؟
فهما ترمشان معاً
وتتحركان معا
وتبكيان معاً
وتريا الأشياء معاً
وتنامان معاً
ومع ذلك لايرون بعضهم
فيجب أن تكون الصداقه كذلك

المهم نكون مع بعض .. مش مهم نشوف بعض .

وخد علاقتنا مثلاً كمثال مصغر للموضوع .. أنا بحبك وانت بتحبني واحنا ماشوفناش بعض اساساً ... لكن في بينا تواصل .. وغير مباشر كمان .. ايه رأيك بقى .. مش عندي حق ؟؟

شكرا يا وسيم على اجمل كلمات سمعتها فى حياتى عن الصداقة
والكلام دا كتيييييير جدا جدا على
وفعلا انت صديق محترم وانا اتشرف بصداقتك العطرة

.......................................................................
1- الصداقة نعمة من الله وعناية منه بنا

2- إمسك بالصديق الحقيقي بكلتا يديك

3- أتعلم منك وتتعلم مني وسوف لن نختلف

4- الصداقة هي عقل واحد في جسدين

كلام جميل منك يا وسيم ومنك يا رشاد ويارب ميفرق بينكم ابدا يارب

شكرا لك يا امانى على تعليقك الرقيق
وانت ايضال يا امانى صديقة عزيزة علينا
واخت منورة المنتدى لينا ولك كل المحبة والاحترام

الف شكر ليك يا رشاد علي ردك واكيد طبعا انتو اخواتي وانا اتشرف بيكم واحترمكم جدا

موضوع جميل
بس انا ليا فيه راى ان اذا كنت متاكد من حبك للشخص اللى بعيد
عن عينك وانه هو كمان بيبادلك نفس الشعور ف حتى لو مفيش تواصل ملموس ف انت اكيد
بتحس بيه وهو كمان بيحس بيك
وشكراااا ليك يا رشاد

شكرا يا مينو على تعليقك وتقبلى تحياتى

أنا سعيد جداً بالروح الجميلة اللي بتسود الموقع وباتمنى نفضل في تواصل مستمر ... شكراً للجميع على الترابط الملحوظ .
وشكر خاص لرشاد صاحب الموضوع .

تسلم يا نجم النجوم وتشريفك لاى موضوع يزيدة جمال واهمية
وتحياتى لك ولاهتمامك بالاعضاء

ارجو ا التفاعل من بقية الاعضاء

شكرا على الموضوع بس انا مش مع مقولة اللى بعيد عن العين بعيد عن القلب
بالعكس دا ساعات البعد بيشوق اكتر لما يبئى طول الوقتت امام عينك

فعلا ياشيرى
بس ممكن احيانا يعنى البعد بيخلق مشاكل شويه وكل صديق يخاف على صديقه من البعد اللى بيفرق بينهم فالبتالى بيكون فى مشاكل
وايضا بالتعارف على اصدقاء اخرين والتفاعل معهم بشكل تام انا مش هقول بتنسى صديقك التانى ولكن بيحصل بعد شويه وده برضه بيدل على عدم الاهتمام
وهكذا تكون مقوله البعيد عن العين بعيد عن القلب صحيحه الى حد ما ولكن الحب يظل موجود عند عودتك له ثانية

دايما اللى بعيد عن العين بعيد عن القلب وانا اقصد البعيد لفترات كبيرة كأن تكون سنين
لان البعد بيفتر العلاقة بين الناس والقرب بيقرب القلوب ويجمعها

وشكرا لرايكم يا شيرين انت ونور
وواضح انكم قريبين من بعض وبالتالى فبينكم صداقة قوية

شكرا بس على فكرة انا ونور بعدنا عن بعض حوالى سنتين وانا عن نفسى كانت بعيدة بس عن العين انا مش عارفة هية اية
ويا ريت يكون فى كتير زى الموضوع دة يعنى مقولة وكلنا نقول راينا علشان فكرة الموضوع حلوة اوى

طول ما فية اتصال مستمر حتكونوا قريبين من بعض واصدقاء اقوياء
وانا شاكر ليكى تفاعلك المستمر فى المنتدى انت ونور
وانشاء الله بقية الاعضاء يثبتوا وجودهم معانا فى المنتدى