أختي إيمان .. مشكورة على الفكرة الجميلة زي ماتعودنا منك ... على الرغم من ضرورة توضيح لون الخط .. وده طبعاً من إمكانياتي كمشرف إني أعمله عشان ما تتسائليش ما غيرتوش ليه ؟؟ لكن أنا لا أحب التعديل على موضوع العضو إلا بعد الرجوع إليه ما لم تكن المشاركة بها مخالفات أو لإضافة مادة أو تصحيح رابط .. وأفضل أن يقوم بنفسه بهذه التعديلات حسب تفضيله .
خاصة وأنك أنت أيضاً مشرفة وأقدم مني في الموقع وأنا لا أجرؤ التعديل على مواضيعك .

ثانياً : الا تشعرين معي بأن هناك شيء مفقود في هذا الموضوع ؟؟؟

وسيم طبعا اى تعديل لموضوعاتى مترجعليش عدل الموضوع براحتك خالص طالما انت شايف ان فى حاجة عدلها من غير ما ترجعلى اولا لانك بعتبرك اخوية ثانينا لان الموقع دة بتاعنا يعنى اللى تلقية وحش تغيرة ويا ريت تقول اية اللى ناقص وحطة نستفاد منة

إيمان التعديل اللي كونت باتكلم عليه خاص بلون الخط بس عشان تكون القراءة سهلة .. ولا يوجد ما أضيفه ..
ولكن كونت أشير بقولي أن هناك شيء مفقود .. إلى عدم ذكر العضو اللذي سنتحدث عنه ..
أنا قريت الموضوع أكتر من مرة لعلي لم ألاحظه .. لكني لم أجد إسم العضو اللذي إخترتيه لكي نبدأ به ..!!!
وكان هذا ما قصدت والله المستعان .

تم التعديل على لون الخط في الفقرة الأولى فقط .. وشكراً لروحك الجميلة السمحة ..

بصراحة المواضيع اللى بيكتبها العضو ممتازة وبنستفاد منها كتير جدا وهو مثقف جدا جدا اكثر المواضيع اللى عجبتنى شعرة الجميل مميزاتة كتيرة احسن حاجة فيها انة بيحب يساعد اعضائة انموهم لفكر احلى ليس لة سلبيات فى الموقع انا اديلة 9على 10 وعايزة اقلة يا ريت تفضل فى تقدم علطول وتخلى كل الاعضاء يحبوك كاخ اكبر حتى لو انت اصغر منهم فا انت كبير المقام نعم هو يرد على كل مواضيعى ومواضيع باقى الاعضاء ولو فية ملاحظات بيقولها اعتقد هو عرف نفسة

مش واخد بالي ................. يا ترى مين ؟؟
أكيد مش أنا .. أصل الصفة الوحيدة اللي تنطبق عليا في الكلام اللي قولتيه إن أنا فعلاً شعري جميل وناعم ومن غير جل ..

لا انت يا عم انا قصدى عليك

مانا عارف بس باستعبط ...

وشكراً ليكي أوي أوي أوي يا إيمان أنا حقيقي مش عارف أقولك إيه على التقدير الجميل ده ...
وده فعلاً فخر ليه إنك تقولي عني كده ...
وأنا ما بعملش حاجة في الموقع إنتي ما بتعمليهاش .. ويمكن أكتر مني كمان ..
ربنا يخليكي .. وكلك ذوق .. وما ننحرمش منك ولا من مواضيعك الجميلة المشجعة اللي بترفع معنوياتنا في السما وتمدنا بالطاقة الكافية لبذل المزيد من العطاء لهذا الموقع الجميل ..
الجميل بأعضائه طبعاً اللي نفسنا يشاركونا .
وبصراحة مش عارف أقول إيه .. أنا .. لقد أخجلتم تواضعي .

يا وسيم انت تستاهل اكتر من كدة انا مش بجاملك والله واعتقد ان انا وهبة مشتركين فى الراى دة وكمان العقب المصرى لان عمرة ما حيرقيك الا ازا كان عارف انك تستاهل

ربنا يخليكي يا إيمان ده شرف عظيم ليه .. وكرم أعظم منك ..
ألف ألف شكر ..

شوف يا عم وسيم المدح فيك مين قدك

لا أجد ما أقول ... أشعر بعقده في لساني أمام هذا الإطراء والمديح والثناء الذي لا أعتقد أني أستحقه ..

فأنا لا أفعل ما يزيد عما يفعله كل من في هذا الموضوع ...

وحتى الشكر أنا عاجز عنه ولا أجد الكلمات المناسبة .. لذا ... سألتزم الصمت ........

و أيه اللى نفلك خدودك كده

أعتقد أنك كونتي تقصدين ( نفخلك )
ورغم تحفظي على مبدأ النفخ .. فإن هذا هو تأثير الصمت حين يرغب المرء في التعبير ولكن لا يستطيع .

أوكى سوف ندقق فى التعبير و نتفحصه و هنعملع تشريح علشان نعرف أيه اللى وصله لكده

هو انا شفت الصوره دى فين قبل كده

طيب اولا مواضيعك دايما يا ايمى فيها روح الجماعه والمشاركه ودا مش جديد عليكى تسلم ايدك
اما بالنسبه للعضو المذكور
فهو يتميز بارائه الفاعله
واسلوبه الساحر وله قدره رائعه ف رسم الصور الخيال
ايضا تشعرى وكانه احد افراد عائلتك
واستطيع ان اقيم اسلوبه من وجهه نظرى المتواضعه بانه السهل الممتنع
8

تسلمى يا مينو يا رب بس انتى لازم تقولى اسم العضوولازم تقولى عيوبة كمان علشان قدر يرد عليكى

طيب ما هو انا اللى فهمته ان اسم العضو ما لم يتغير يظل العضو المذكور اعلاه
وبالنسبه للعيوب انه ف بعض الاحيان بيبقى مركز يعنى زياده عن اللزوم
وساعات يعنى انتقاداته بتكون لا\ذعه بعض الشىء


وشكراااااااااااااا يا ايمى للتنبيه

أشكرك يا مينو على كلامك الجميل وده فخر ليه إن يكون ده رأيكم فيه .. مع إعترافي إن أنا ساعات بيكون نقدي لاذع وغالباً ما يكون متعمد .
أما بالنسبة لمركز زيادة عن اللزوم فدي أنا مش فاهمها .
عموماً مر 3 شهور على الموضوع مش أسبوع ومازلت أنا العضو المختار .. عشان كده بقول كفاية قوي .. أنا حمضت .
ولو تسمحولي أختار العضو اللي نتكلم عنه المرادي فأنا أختار إيمان صاحبة الموضوع .

شكرا يا وسيم على شعورك الجميل بس اجى انا فين جنب وسيم وهبة سويلم ومينو وجنب ناس كتير مواضيعهم دايما هادفة وجميلة

ده من ذوقك يا إيمان .. لكن لو جيتي للحق وعايزة تعرفي تيجي فين .. هاتلاقي نفسك تيجي قبلنا كلنا بدليل القايمة اللي على أقصى يسار الصفحة .. واللي بتحددك مكانك بالظبط وسطنا ... قصدي قبلنا .
ده غير إن إنتي كمان مواضيعك كلها برضو هادفة .

إسمحولي أبدأ بالكلام عن العضوة المبجلة إيمان ....
العضوة إيمان .. إنسانة تدخل القلب من غير ما تخبط .. عندها كم من الإخلاص والوفاء مش عند حد .. وإستعداد متناهي للعطاء .. كريمة وسخية .. ربة منزل ممتازة .. دمها خفيف جداً .. طيبة جداً .. وحاجة كده عبارة عن كوكتيل صفات كويسة في بعض .
أما بالنسبة للعيوب .. فأنا مش شايف أي عيب مخجل فيها .. لكن العيب الوحيد اللي أنا شايفه عيب مشرف لأنه ميزه عند ربنا لكن عيب عند الناس .. وهو إنها طيبة جداً زيادة عن اللزوم لدرجة تصل إلى السذاجة .. وعشان يكون كلامي واضح ومايتفهمش غلط .. الشخص الساذج ليس بالغبي أو سيء الفهم ومفهوم السذاجة بعيد كل البعد عن الغباء .. عشان محدش يفهم غلط .. ولكن الشخص الساذج هو الشخص الذي يسهل إستمالته .. وهذا ما أقصده تحديداً .. بالبلدي يعني يضحك عليه بسهولة .. يعني لو حد غلط فيها او زعلها زعل جامد وبعدين قالها كلمتين حلوين تنسى بسرعة جداً وتسامحه بطيبة شدية .. ولو حد قالها إنه صحي من النوم مالقاش صباع رجله الكبير والفار كله ممكن تصدقه ويصعب عليها كمان وممكن تتأثر أوي .... طبعاً دي مبالغة مني إنما أنا كان قصدي بس أوضح السذاجة يعني إيه عشان محدش يفتكر إنها حاجة وحشة .
وبالنسبة للإجابة على الأسئلة فهي كالتالي :
1- رأيي في المواضيع التي تكتبها أنها وبالإجماع مواضيع لم تخرج عن قالب الإحترام وهي إما مواضيع مفيدة جداً وتحتوي على قدر جيد من المعلومات .. وإما مواضيع غاية في خفة الظل .. أو مواضيع من هذا النوع الذي يهدف للترابط ويدل على حب الآخرين وتقديرهم .
2- أكثر المواضيع التي أعجبتني .. بصراحة كل مواضيعها جميلة وشيقة بالنسبة لي ... وبتعجبني جداً ردودها كمان اللي بتنم عن طيبة ونبل وكرم أخلاق .. وساعات تموت من الضحك .
3- مميزات هذا العضو : لا تحصى ولكن أذكر منها على سبيل المثال لا الحصر .. أنها تستطيع أن تقوم بواجباتها المنزلية دون تقصير وعلى الرغم من ذلك لا تهمل الموقع ونشاطها واضح وملحوظ فيه وقائمة أحسن 10 أعضاء تنطق بذلك .
4- سلبيات هذا العضو : لا أجد لها سلبيات فعلية .. عدا ماذكرته في الأعلى وهو نظرياً ليس شيء سلبي .. ولكن السلبي هو إستهجان بعض الناس للطيبة والبراءة الشديدة .
5- مركز هذا العضو في هذا المنتدى من وجهة نظري : لن أتحدث في هذا الموضوع ولكن سأترك إحصائيات الموقع لتخبركم بها ويكفي أن تنظروا لقائمة أحسن 10 أعضاء في الموقع لتعرفوا .
6- النصائح التي أقدمها لهذا العضو : غسل اليدين بعد الأكل وغسل الأسنان قبل النوم .
7- هل يقوم العضو بالرد على مواضيعي : نعم مواضيعي ومواضيع الآخرين وهي ثاني أكثر شخص بتعجبني ردوده في الموقع .

انا بجد مش عارفة اقلك اية يا وسيم دا كلام كتيرعليه جدا بس بجد انت عرفت شخصيتى فعلا لوكنت زعلانة من اىحد وقالى كلمة حلوة بنبسط واسامحة علطول وكمان عندى عيبين الاول انى صريحة جدا والصراحة دى بتعل منى ناس كتير واولهم جوزى طبعا دايما احب اقلة على الحاجة الاحسن وهو بيفتكر ان دة انتقاد او اقلة رايى بصراحة فى اى حاجة لانى مش المفروض انى اكزب فا عيبى انى صريحة وكمان لية عيب تانى لا يمكن انام وانا زعلانة من حد لو علت من حد ام اكلمة او اروحة واقة انى زعلانة منة فى كزا وكزا وهو يقلى وجهة نظرة مش علشان يبرر او يعتزر لا علشان انا متعودتش انام وانا زعلانة من اى مخلوق وكمان عصبية بتنرفز بسرعة وبروق بسرعةولام اعمل طبعا بنصيحتك وحقوم حالا اغسل ايدى

ده مش كتير ولا حاجة يا إيمان ده أقل واجب .. وعمر الصراحة ما كانت عيب .. ولا إنك مابتحبيش ان حد يكون زعلان منك أو تكوني زعلانة من حد ده عيب برضه .... لكن دول ممكن نضيفهم للمميزات الكتير اللي فيكي .
وطبعاً مش محتاج أقولك إنك تغسلي إيدك بالصابون كويس مش بالمية بس .

هههههههههههه من عنية وكما ححط فى الماية ديتول تسلم يا وسيم

الله يسلمك ودومتي بخير يا إيمان .