ماهو الشىء الزى غير حياتك

ما هو الشيء الذي غير حياتك ؟؟

يعيش الإنسان فترة من الزمن في ركود تام
أو روتين قاتل
ولكن فجأة تظهر في حياته أمور أو أشياء
((يقلب حياته 180 درجة .))
يغير حياته ويجعل لحياته معنى وهدف
ويقلب موازينه ويجعله يعيش
ويستمتع بكل لحظه في حياته ..
وكأنها آخر لحظه في حياته
يعيشها بكل حب وبهجة وسعادة ومرح ..

و الآن ما هو الشي الذي غير حياتك ؟

( ما الذي غير حالك وجعل لحياتك معنى ) ؟؟ ..

أم مازالت حياتك كما هي راكدة؟؟؟؟

أيوة .

يا جماعة نقطة نظام
إحنا في المنتدى الترفيهي ... ترفيهي ياجدعان ... ترفييييييهييييي ... يعني ترويح القلوب ... يعني ضحك وفرفشة .. أو قصة مشوقة .. أو حتى أي حاجة مسخرة ... انما بلاش الحاجات اللي تعمل حاجات مش كويسة في المشاعر المحسحسة ..
حياتك راكده إيه بس يا إيمان ...؟؟؟!!!!
أيوة ياستي راكده ... وفيها بلهارسيا كمان .. فضلت راكده لحد ما دودت إستريحتي ؟؟؟.
إنتي بترفهي عنا ولا بتفكرينا بالغلب ؟؟؟!!!

إوعي تزعلي مني ده كله هزار في هزار .. أنا بس لقيت الموضوع ناشف شوية قولت أخش أطريه Laughing

إنتي مواضيعك كلها جميلة يا إيمان ..

بالعكس انا ضحكت مزعلتش كل تعليقاتك ظريفة منا مش لاقية حتة احطها غير هنا مش لازم اعكنن عليكوا شوية

ههههههههههه .. عكنني ياختي عكنني .. إن شالله ما حد ضحك .

أقوللك ..

آدي شوية عياط أهم : ...

Sad

انت كدة غرقت القسم عايط والكلينكس خلص حرام عليك عينك ورمت من العايط

حبة ضحك وحبة عياط عشان نبقى موقع متنوع

وخديلك شوية ضحك أهم ضحكتهم بعد ما بعت جبت تمن كيلو زغزغة من مقلة اللب اللي على أول الشارع عشان الكشك اللي جنب البيت معندوش .

انتي خدتي حبة زغزغة من بتوعي ولا إيه ...

اة اخدت منك شوية واشتريت الباقى

كويس انكوا قلبتوها كده علشان كنت هنكد عليكوا لدرجة انكم ماتدخلوش هنا تانى

هحكيلكوا على حاجه يمكن تضحكوا عليها
مره كنت خارجه انا و اختى الصغيره و بعدين وصلنا للبيت و ركنت العربيه . العربيه كانت جنب الرصيف على طول و بعدين فتحت الباب علشان انزل و هى كمان .سمعتنى بضحك بهستريا و طلعت من العربيه تدور عليه علشان ما كنتش شايفانى الجدع فيكوا يقول لقتنى فين؟؟

على فكره الحكايه دى بجد

وقعتي في حفرة أكيد ... لأن مفيش بلاعات على الرصيف ..

لا لا لا

طب ما تقولي روحتي فين ... أكيد مانزلتيش في الدواسة ..
أو ممكن تكوني إتزحلقتي ...
قولي بقى ما تحيريناش ..

مش أنا قولت أن العربيه ركنت جنب الرصيف و أنا بنزل رجلى أتزنقت فى الرصيف فقوعت بين الرصيف و العربيه و أزحلقت سنه بقيت تحت العربيه من الجنب

ألف سلامة ما يقع إلا الشاطر .