إخواني الأعضاء الكرام محبي الشعر .. وددت لو أشارككم معي ببعض مؤلفاتي عسى أن تنال على إعجابكم .
وسأكون سعيداً بسماع آرائكم فيها ...
وزي ما شوفتم مني موشحات وشعر عربي وزجل .. المرادي هاسمعكم او بمعنى أصح هاقريكم شعر عامي ..
ينفع أغنية عامية يعني .. وأنا باوعدكم أكتبلكم في جميع أنواع وبحور الشعر حتى الشعر الحلمنتيشي ....
والمفاجأة الجاية كمان مقطوعات نثرية من تأليفي برضه ويا رب تعجبكم يا رب ..
ودلوقتي مع القصيدة العامية بعنوان ( ما بقتش خايف ) من تأليفي .
أقول لقلبك إيه ؟ ** وأعملك تاني إيه ؟ ** خلاص ما بقتش عارف !
كل الكلام وقولته ** والمستحيل عملته ** قدامك وإنت شايف
الشوق من قلبي شلته ** وكل الإحساس قتلته ** خلاص .. ما بقتش خايف
تبعد ما تجيني تاني ** تهرب بشوقي وحناني
خليك قاسي وأناني ** قلبي .. مبقاش يعاني
*
*
*
يا عنيه يا قلبي فوقوا ** مش ممكن يوم تدوقوا ** من وردو إلا شوك
عسله اللي شربت منه ** مادوقتش أمر منه ** ياقلبي ليه باعوك ؟؟
قلبه وعنيه الجميله ** سحروك سنين طويلة ** وفي الآخر سابوك
قلبي اللي بات مظلوم ** مش ممكن ينسى يوم
ولا عينه يجيلها نوم ** لازم يخليك تعاني
تبعد ما تجيني تاني ** تهرب بشوقي وحناني
خليك قاسي وأناني ** قلبي .................... مبقاش يعاني .
============****==============
إخواني أرحب بآرائكم وتعليقاتكم .
ملحوظة : جميع مؤلفاتي المنشورة بالموقع مسجلة بالمصنفات الفنية وحقوق الطبع والنشر محفوظة .
ولا يسمح بنقلها بتاتاً أو تداولها عبر الإيميلات أو المواقع الأخرى .
الأحد 21 يونيو 2009 - 4:47
وهنا يكمن الجمال 
كلامك حكم يا مينو ياختي 
