عالجى شعرك بشوية ماية دافئة

اليوم جبت طريقة حلوة اوى لعلاج تساقط الشعر والتقصف وتطويل الشعر فى حاجة عند العطار اسمها حب الرشاد دى حاجة عاملة زى السمسم بالظبط بس لونها احمر شوية وحبتها اصغر من حبة السمسم وليها اسم تانى اسمها عشبة القطونة تاخدى منها شوية وتحطى عيها شوية ماية دافيين وتسبيها شوية حتبقا شكلها لزج كدة المهم تضعى مشط فى الطبق وتاخدى من حب الرشاد بالماء على المشط وتسرحى شعرك من اول الجزور لغاية الاطراف لغاية لما تخلصى شعرك كلة تضعى علية بونية لمدة 3 ساعات وكل لما المدة طولت كل ما بقا احسن وباعدين تدخلى تحت الدش تسرحى شعرك بالمشط تحت الماية بحيث حب الرشاد يكون نزل من شعرك كلة وباعدين تغسلى شعرك بصابونة زيت زيتون او صابونة غار ممكن تستعملى شامبو بس انا بنصح بصابونة غار او زيت زيتون ومن اول مرة حتشوفى الفرق بين شعرك دلوقتى وقبل كدة

جميل جداا يا إيمان و ان شاء هجربه بس لو كان موجود هنا عند العطار ومعلش سؤال ايه هو صابون الغار هو ليه اسم تانى

يا حبيبتى هو موجود عند العطار وكمان صابونة الغار عند العطار ولو ما فيش صابون الغار هاتى صابونة زيت زيتون

تسلم ايديكى و عنيكى موضوع رائع

عملته يا ايمان و دماغى سخنت و ده معناه انه بيجيب نتيجه بس المفروض يتعمل كل اد ايه و لو اطحن يبقى احسن

اعملية فى اى وقت يا هوبة طب يا ترا لقيتى شعرك عامل ازاى يعنى خلاة ناعم ولا لا بصراحة انا واخدة الطريقة من غير طحن جربيهامطحون وقولى

اوكى هقولك وبعدين صراحه جاب نتيجه حسيت ان شعرى طول شويه

ربنا يباركلك يارب انشاء الله حجربها واقولك

طيب لما تجربيها يا امانى يبقى قوليلى عملت اية معاكى قولى النتيجة