خالد محمد سعيد

شاب مصري في ال28 من عمره

شاب عادي وبسيط زيه زي اغلب المصريين .. شاب في حاله ومش بتاع سياسه ولا هو معارض ولا حتى حزب وطني ،، شاب ماشي جنب الحيط بالأصح

في يوم خالد كان نازل سايبر النت اللي قصاد بيتهم في منطقة سيدي جابر – محافظة الاسكندريه
ويادوبك دخل السايبر ودخل وراه اتنين مخبرين كتفوه من ورا ونزلوا ضرب فيه وتخبيط في دماغه .. راح صاحب السايبر افتكرهم جايين يقبضوا عليه لأي سبب فخرجهم من السايبر ،، راحوا ساحبين خالد لمدخل العماره اللي قصاد السايبر ولأكتر من 20 دقيقه نزلوا ضرب فيه بالشلاليت والأقلام لغاية لما اغمى عليه .. وبعدين واحد فيهم مسك دماغ خالد ونزل رزع فيها في سلام العماره الرخام والدرابزين لغاية لما اتهشمت تماما

وراحوا شايلين خالد – زي الدبيحه – ولا حول ولا قوة الا بالله وراحوا رموه في البوكس وطلعوا بيه على قسم الشرطه وسط ذهول ورعب من المواطنين اللي شافوا الجريمه البشعه دي وماقدروش ينجدوه حتى ..

وبعد ما يقرب من 8 لـ 10 دقايق رجع البوكس ورموا جثة خالد في مدخل العماره ..
جات عربية اسعاف ماحدش يعرف مين اللي جابها وأمُر المسعفين بكتابة تقرير ان خالد مات مختنقا نتيجه ابتلاعه للفافتين حشيش وقفوا في قصبته الهوائيه ..

وجاء رجال مباحث قسم شرطة سيدي بشر الى المنطقه ليس من أجل التحقيق وانما من اجل ممارسة كل انواع الضغط والارهاب على شهود الواقعه وأهل المنطقه لثنيهم عن الشهاده على الواقعه ..





احمد اخوه وهو شايل المرحوم




المرحوم مع اخته واحمد اخوه







احب اقول حاجة للناس اللى بتقول عليه كلام مش حلو

او صدقوا تقرير اللجنة الثلاثية

خالد لو حشاش برشامجى ليه سوابق

عمل كل الحاجات الوحشة ف الدنيا

يتعاقب يتحاكم يتعدم

بسسسسسس

مفيش اى عرف ولادين ولاشرع

بيقول انه يتعمل فيه كده



اللهم حسر قلوبهم على ابنائهم ..


اللهم حسر قلوب ابائهم عليهم ياأرحم الراحمين ..

اللهم قلت

وقولك الحق


(( ادعوني استجب لكم ))

..فهذا الدعاء ومنك الاجابة يا أكرم الأكرمين

جزاكى الله خيرا يا نور
حسبنا الله ونعم الوكيل بجد حرام يعنى دا احنا مسلمين واللى بيحصل دا كل يوم بس بطرق مختلفة دا اكتر من الارهاب
وربنا يرحموة ويجعلوة من اصحاب الجنة ويصبر اهلوة

يا ريت يا جماعة كلنا نشارك فى الموضوع دة

شكرا ياشيرى لمرورك

وياريت ياجماعه كلنا نشارك وندعى على الظلمه اللى قتلوا خالد

الله يرحمة ويرحمنا جميعا من هذه الايام القاسية اللى الناس بتاكل فيها بعض
لدرجة ان الانسان بيقتل ابوة وابنة واخوة لاى سبب تافة
لكن ثقى يا نور ان يوجد من هو اعظم واقوى من الجميع يستطيع ان يعطى لكل حق حقة
حتى وهو ميت ونحن نثق به ثقة عمياء فهو القدير الرحيم
وشكرا ليكى يا نور

والله شكرا لك انت وعلى ردودك المستمره